ୱାଜିଦ ଖାନ ICUରେ ଭର୍ତ୍ତି ଖବର ମିଛ, ଖୋଦ ଟ୍ୱିଟ କରି କହିଲେ ମୁଁ ସୁସ୍ଥ ଅଛି ।
ବଲିଉଡକୁ ଅନେକ ହିଟ ଗୀତ ଦେଇଥିବା ସଙ୍ଗୀତ ନିର୍ଦ୍ଦେଶକ ଯୋଡି ସାଜିଦ-ୱାଜିଦଙ୍କ ମଧ୍ୟରୁ ୱାଜିଦଙ୍କ ସ୍ୱାସ୍ଥ୍ୟ ଖରାପ ହେବା ଖବର ମିଡିଆରେ ଭାଇରାଲ ହୋଇଥିଲା । ଏହି ଖବରରେ କୁହାଯାଇଥିଲା ଯେ ୱଜିଦଙ୍କ ହାର୍ଟରେ ବ୍ଲକେଜ ହୋଇଥିବାରୁ ତାଙ୍କ ଛାତିରେ ଖୁବ ଯନ୍ତ୍ରଣା ହୋଇଥିଲା ଏବଂ ତାଙ୍କୁ ହସ୍ପିଟାଲରେ ICUରେ ଭର୍ତ୍ତି କରାଯାଇଛି ।
ପ୍ରଥମେ ଏହି ଖବର ଇଣ୍ଟରନେଟରେ ଭାଇରାଲ ହେବା ପରେ ସବୁ ମିଡିଆ ହାଉସ ଏହି ଖବରକୁ ପ୍ରକାଶ କରିଥିଲେ । କିନ୍ତୁ ଏହି ଖବର ମିଛ ବୋଲି ଏବେ ପ୍ରମାଣିତ ହୋଇଛି । ଖୋଦ ୱାଜିଦ ଟ୍ୱିଟ କରି ଏହି ଖବରକୁ ମିଥ୍ୟା ବୋଲି କହିଛନ୍ତି ।
Hi everyone. The rumours about my ill health are FALSE, I am absolutely fine. This has shown me how much you all care about me & for that I can only say thank you for all your love & concern?I’m feeling very loved today 🙂 pic.twitter.com/QuVnFlETVJ
— Wajid Khan (@wajidkhan7) September 4, 2018
ୱାଜିଦ ଟ୍ୱିଟ କରି ଲେଖିଥିଲେ, ହାଏ ଏଭ୍ରିିୱାନ, ମୋ ସ୍ୱାସ୍ଥ୍ୟ ଖରାପ ହେବା ଖବର ମିଛ ଅଟେ । ମୁଁ ସମ୍ପୂର୍ଣ୍ଣ ସୁସ୍ଥ ଅଛି । ଏଥିରୁ ଜଣା ପଡୁଛି ଯେ ଆପଣମାନେ ମୋ ପାଇଁ କେତେ ଚିନ୍ତିତ । ସେଥିପାଇଁ ଧନ୍ୟବାଦ । ମୁଁ ଆଜି ଖୁବ ଭଲ ଅନୁଭବ କରୁଛି ।
ଆପଣଙ୍କୁ କହିରଖୁଛୁ ଯେ, ୱାଜିଦ ନିଜ ଭାଇ ସାଜିଦଙ୍କ ସହିତ ମିଶି ବଲିଉଡକୁ ଅନେକ ହିଟ ଗୀତ ଦେଇଛନ୍ତି । ଦୁହିଁ ଯୋଡି ବଲିଉଡରେ ଖୁବ ପ୍ରସିଦ୍ଦ । ଫିଲ୍ମ ଦବଙ୍ଗର ମୁଜିକ ପାଇଁ ଅହି ସୁପରହିଟ ଯୋଡି ୨୦୧୧ରେ ଫିଲ୍ମଫେୟର ପୁରସ୍କାର ଜିତିଥିଲେ ।
