ଘରର ଉନ୍ନତି ଚାହୁଁଛନ୍ତି ତ ଲଗାନ୍ତୁ ଏହି ପଶୁପକ୍ଷୀଙ୍କର ଫଟୋ !

ହିନ୍ଦୁଶାସ୍ତ୍ର ଅନୁସାରେ ପଶୁପକ୍ଷୀମାନଙ୍କର ଅନେକ ଗୁରୁତ୍ୱ ରହିଛି । ପଶୁ ବା ପକ୍ଷୀ ରଖିବାକୁ ପ୍ରାୟତଃ ସମସ୍ତେ ଭଲ ପାଇ ଥାଆନ୍ତି । ଆଜିକାଲି ସମସ୍ତଙ୍କ ଘରେ ଆପଣମାନେ ପୋଷା ପଶୁ ବା ପକ୍ଷୀ ଥିବା ଦେଖୁଥିବେ ନିଶ୍ଚୟ । କୁହାଯାଏ କି ଘରେ ପଶୁ ବା ପକ୍ଷୀ ରହିଲେ ଘରକୁ ବିପତ୍ତି ଆସି ନ ଥାଏ । ତେବେ ଏହା ମଧ୍ୟ କୁହାଯାଏ କି ଘରେ ପଶୁ ପକ୍ଷୀମାନଙ୍କର ଫଟୋ ଲଗାଇବା ସହ ସୁଖ ସମୃଦ୍ଧି ବୃଦ୍ଧି ହୋଇଥାଏ । ତେବେ ଆସନ୍ତୁ ଜାଣିବା ଘରର କେଉଁ କୋଣରେ କେଉଁ ପଶୁମାନଙ୍କର ଫଟୋ ଲଗାଇବା ଶୁଭ?

୧.ହିନ୍ଦୁ ଧର୍ମରେ ଗାଈକୁ ମାତାର ସ୍ଥାନ ଦିଆଯାଇଛି । ସେମାନଙ୍କ ମଧ୍ୟରେ ୩୩କୋଟି ଦେବାଦେବୀ ବସବାସ କରନ୍ତି ବୋଲି ବିଶ୍ୱାସ ରହିଛି । ଘର ଏବଂ ଦୋକାନର ଉତ୍ତର-ପୂର୍ବ ଦିଗରେ ଗାଈର ଫଟୋ ଟାଙ୍ଗିବା ଦ୍ୱାରା ଦୁର୍ଭାଗ୍ୟ ଦୂର ହୋଇଥାଏ ।

୨. ଦଶ ଅବତାର ମଧ୍ୟରୁ ଗୋଟିଏ ହେଉଛି କଇଁଛ । ଘରେ କଇଁଛ ରଖିବା ଶୁଭ । ଯଦି ପ୍ରକୃତ କଇଁଛ ରଖିବାକୁ ଅସମର୍ଥ, ତେବେ ରୋଷେଇ ଘରେ ଏହାର ଫଟୋ ଟାଙ୍ଗନ୍ତୁ , ସୁଫଳ ମିଳିବ ।

୩. ଭଗବାନ କାର୍ତ୍ତିକେୟଙ୍କ ବାହାନ ମୟୂର । ଘରେ ଟଙ୍କା ରଖୁଥିବା ସ୍ଥାନରେ ମୟୁର ଚୁଳ ରଖିବା ଦ୍ୱାରା ଅର୍ଥାଭାବ ଦେଖା ଦେଇ ନ ଥାଏ ବୋଲି ବିଶ୍ୱାସ ରହିଛି ।

 

୪. ଗଣେଶଙ୍କ ବାହାନ ହେଉଛନ୍ତି ହାତୀ । ସ୍ୱାମୀ-ସ୍ତ୍ରୀ ଶୋଇବା ଘରେ ଧଳାହାତୀର ଫଟୋ ଲଗାଇବା ଦ୍ୱାର ସୁଖଶାନ୍ତି ବୃଦ୍ଧି ପାଇଥାଏ ।