ବଲିଉଡ ଅଭିନେତା ବରୁଣ ଧୱନ ଏବେ ନିଜର ଆଗାମୀ ଫିଲ୍ମ ‘କୁଲି ନମ୍ବର ୧’ ର ସୁଟିଂରେ ବ୍ୟସ୍ତ ଅଛନ୍ତି । ଏହି ଫିଲ୍ମରେ ବରୁଣ ଅପୋଜିଟରେ ଅଭିନେତ୍ରୀ ସାରା ଅଲ୍ଲୀ ଖାନ ନଜର ଆସିବେ । ଇତି ମଧ୍ୟରେ ବରୁଣ ଧୱନଙ୍କ ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଇଂଷ୍ଟାଗ୍ରାମରେ ବରୁଣ ସେୟାର କରିଥିବା ଏହି ଭିଡିଓରେ ବରୁଣ ସର୍ଟଲେସ ହୋଇ ଡ୍ୟାନ୍ସ କରୁଥିବାର ନଜର ଆସିଛନ୍ତି । ବରୁଣ ସେୟାର କରିଥିବା ଏହି ଭିଡିଓକୁ ତାଙ୍କ ଫ୍ୟାନ୍ସ ଖୁବ ପସନ୍ଦ କରିବାରେ ଲାଗିଛନ୍ତି ।
ବରୁଣ ରବିବାର ଏହି ଭିଡିଓକୁ ନିଜ ଇଂଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଏହାକୁ ଏପର୍ଯ୍ୟନ୍ତ ୧୩ ଲକ୍ଷରୁ ଅଧିକ ଭ୍ୟୁଜ ମିଳିସାରିଛି । ବରୁଣଙ୍କ ଜିମ ଟ୍ରେନର ପ୍ରଶାନ୍ତଙ୍କ ଜନ୍ମଦିନରେ ବରୁଣ ଏହି ଭିଡିଓ ସେୟାର କରିଛନ୍ତି । ଭିଡିଓରେ ଦୁହେଁ ସୁପରହିଟ ଗୀତ ‘ତୁମତୋ ଠହରେ ପରଦେଶୀ…’ ଗୀତରେ ଜବରଦସ୍ତ ଡ୍ୟାନ୍ସ କରୁଥିବା ଦେଖିବାକୁ ମିଳିଛି ।
ଦେଖନ୍ତୁ ଭିଡିଓ-
View this post on Instagram
କହିରଖୁଛୁ ଯେ, ଡେବିଡ ଧୱନଙ୍କ ନିର୍ଦ୍ଦେଶନାରେ ନିର୍ମିତ ଗୋବିନ୍ଦା ଏବଂ କରିଶ୍ମା କପୁରଙ୍କ ସୁପରହିଟ ଫିଲ୍ମ ‘କୁଲି ନମ୍ବର ୧’ର ରିମେକରେ ବରୁଣ ଧୱନ ଏବଂ ସାରା ଅଲ୍ଲୀ ଖାନଙ୍କ ଯୋଡି ପ୍ରଥମ ଥର ପାଇଁ ପରଦାରେ ଦେଖିବାକୁ ମଳିବ । ଫିଲ୍ମ ଆଗାମୀ ବର୍ଷ ୧ ମଇ ୨୦୨୦ରେ ରିଲିଜ ହେବ ।