ମୁମ୍ବାଇ ଭିଭାରର ନିବାସୀ ଗୌରୀ ମହାଦିକଙ୍କ ସ୍ୱାମୀ ସେନାରେ ଥିଲେ । ଦୁଇବର୍ଷ ପୂର୍ବେ ସୀମାରେ ସେ ସହିଦ ହୋଇଯାଇଥିଲେ । ସ୍ୱାମୀ ସହିଦ୍ ହେବା ପରେ ଗୌରୀ ଏବେ ଲେପ୍ଟିନାଣ୍ଟ ବନି ତାଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି। ଗୌରୀ ଟ୍ରେନିଂ ପୂରା କରିବା ପରେ ଆଗାମୀ ବର୍ଷ ସେନାରେ ସାମିଲ ହେବେ।
୨୦୧୭ ଡିସେମ୍ବରରେ ଅରୁଣାଚଳ ପ୍ରଦେଶରେ ତଓ୍ଵାଙ୍ଗରେ ଭାରତ-ଚୀନ ଉପରେ ତାଙ୍କର ସ୍ୱାମୀ ତଥା ମେଜର ପ୍ରସାଦ ମହାଦିକ ଅସ୍ଥାୟୀ ଚୌକିରେ ଥିଲେ। ଏହି ସମୟରେ ଗୁଳିବିନିମୟ ହୋଇଥିଲା, ସେଥିରେ ସେ ଦେଶ ପାଇଁ ସହିଦ ହୋଇଯାଇଥିଲେ।
#WATCH: Late Army Major Prasad Mahadik’s wife Gauri Mahadik, who will join Indian Army next year, says, “he always wanted me to be happy & smiling. I decided I’ll join the forces, I’ll wear his uniform, his stars on our uniform. Our uniform because it will be his and my uniform”. pic.twitter.com/syNNsIMe4l
— Chesta Sardana (@SardanaChesta) February 25, 2019
ସୂଚନା ମୁତାବକ, ୩୨ବର୍ଷୀୟା ଗୌରୀ ଚେନ୍ନାଇ ସ୍ଥିତ ଅଫିସର୍ସ ଟେନିଂ ଏକାଡେମୀ (ଓଟିଏ)ରେ ଟ୍ରେନିଂ ନେବେ । ଗୌରୀଙ୍କ କହିବାନୁସାରେ, ମୋତେ ସହିଦଙ୍କ ବିଧବା ରୂପରେ ନନ୍-ଟେକନିକାଲ ଶ୍ରେଣୀ ଅଧିନରେ ଲେପ୍ଟିନାଣ୍ଟ ଭାବେ ନିଯୁକ୍ତି ମିଳିବ। ଦେଶର ରକ୍ଷା କରୁଥିବା ସମୟରେ ସହିଦ୍ ହୋଇଥିବା ଯବାନଙ୍କ ବିଧବା ପତ୍ନୀଙ୍କ ପାଇଁ ଏସଏସବି ପରୀକ୍ଷା ହୋଇଥିଲା। ଏଥିରେ ବେଙ୍ଗାଲୁରୁ, ଭୋପାଳ ଓ ଆହ୍ଲାବାଦର ତିନିଟି କେନ୍ଦ୍ରରେ ପାଖାପାଖି ୧୬ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିଲେ।
