ନ୍ୟୁଜିଲ୍ୟାଣ୍ଡ ମହିଳା କ୍ରିକେଟର ଅଷ୍ଟ୍ରେଲିଆନ ଗର୍ଲଫ୍ରେଣ୍ଡଙ୍କୁ କଲେ ବିବାହ, ଏପରି ଆରମ୍ଭ ହୋଇଥିଲା ପ୍ରେମ କାହଣୀ
ନ୍ୟୁଜିଲ୍ୟାଣ୍ଡ ମହିଳା କ୍ରିକେଟର ହେଲେ ଜେନସନ ନିଜ ଗଲଫ୍ରେଣ୍ଡ ତଥା ଅଷ୍ଟ୍ରେଲିଆର ମହିଳା କ୍ରିକେଟର ନିକୋଲା ହେନକକଙ୍କୁ ବିବାହ କରିଛନ୍ତି । ଦୁହେଁ ପ୍ରଥମ ଥର ପାଇଁ ମେଲବର୍ଣ୍ଣ ଷ୍ଟାର ଟିମରେ ପରସ୍ପରକୁ ସାକ୍ଷାତ କରିଥିଲେ । ଜେନସନ ଦୁଇ ବର୍ଷ ମେଲବର୍ଣ୍ଣ ଷ୍ଟାର୍ସ ଟିମରେ ଖେଳିଥିଲେ । ପରେ ସେ ମେଲବର୍ଣ୍ଣ ରେନେଗେଡସରେ ଖେଳିଥିଲେ । ସେହିପରି ହେନକକ ଏପର୍ଯ୍ୟନ୍ତ ସେହି ଟିମରେ ହିଁ ଖେଳୁଛନ୍ତି । ଦୁହିଁଙ୍କ ବିବାହ ଗତ ସପ୍ତାହରେ ଆୟୋଜନ କରାଯାଇଥିଲା ।
From #TeamGreen, congratulations to Stars bowler Nicola Hancock who married her partner Hayley Jensen last weekend! ? pic.twitter.com/QvWb7Ue0Qx
— Melbourne Stars (@StarsBBL) April 18, 2019
ମେଲବର୍ଣ୍ଣ ଷ୍ଟାର୍ସ ନିଜ ଟ୍ୱିଟର ଆକାଉଣ୍ଟରେ ଫଟୋ ସେୟାର କରି ବିବାହ ବିଷୟରେ ସୂଚନା ଦେବା ସହିତ ସଫଳ ବୈବାହିକ ଜୀବନ ପାଇଁ ଶୁଭକାମନା ଜଣାଇଥିଲେ ।
୨୬ ବର୍ଷିୟ ଜେନସନ ୨୦୧୪ରେ ୱେଷ୍ଟ ଇଣ୍ଡିଜ ବିପକ୍ଷରେ ନିଜର ଇଣ୍ଟରନ୍ୟାସନାଲ ଡେବ୍ୟୁ କରିଥିଲେ । ଅନ୍ୟପକ୍ଷରେ ୨୩ ବର୍ଷିୟ ହେନକକ ଗତ ବିବିଏଲ ସିଜିନରେ ୧୪ ମ୍ୟାଚରୁ ୧୪ ୱିକେଟ ହାସଲ କରି ସଫଳ ବୋଲର ରହିଥିଲେ ।