କିଛି ଲୋକଙ୍କୁ ଟ୍ରାଭେଲ କରିବା ଖୁବ ପସନ୍ଦ । ଆପଣ ସୁନ୍ଦର ପାହାଡ, ପର୍ବତ, ଝରଣା, ସମୁଦ୍ର ଏବଂ ହ୍ରଦ ସ୍ଥାନ ବୁୂଲିଥିବେ । ପ୍ରତ୍ୟେକ ସ୍ଥାନର କିଛି ନା କିଛି ବିଶେଷ୍ୱତ ରହିଛି । ଆଜି ବିଶ୍ୱ ମହାସାଗର ଦିବସ ଅବସରରେ ଆମେ ଆପଣଙ୍କୁ ଏପରି ଦୁଇଟି ମହାସାଗର ବିଷୟରେ କହିବାକୁ ଯାଉଛୁ ଯାହାକୁ ଆପଣ ସ୍ପଷ୍ଟ ଭାବେ ମିଶିଥିବାର ଦେଖିପାରିବେ ।
ଏହି ଦୁଇଟି ମହାସାଗର ହେଉଛି ଭାରତ ମହାସାଗର ଏବଂ ପ୍ରଶାନ୍ତ ମହାସାଗର । ଏହି ଦୁଇଟି ମହାସାଗର ଗୋଟିଏ ସ୍ଥାନରେ ମିଶିଛି ସତ କିନ୍ତୁ ଏହାର ପାଣି ପରସ୍ପର ସହିତ କେବେ ହେଲେ ମିଶେ ନାହିଁ । ଦୁଇଟି ମହାସାଗରର ପାଣି ଦେଖିବାକୁ ଭିନ୍ନ । ଗୋଟିଏ ମହାସାଗରର ପାଣି ହାଲକା ନୀଳ ରଙ୍ଗର ହୋଇଥିବା ବେଳେ ଅନ୍ୟଟିର ପାଣି ଗାଢ ନୀଳ ।
ଦୁଇଟି ମହାସାଗରର ମିଳନ ସ୍ଥଳରେ ଏକ ସୀମା ରେଖା ଟଣାଯାଇଥିବା ପରି ଦେଖିବାକୁ ମିଳେ । ଦୁଇଟି ମହାସାଗରର ମିଳନ ସ୍ଥଳରେ ଦୁଇଟି ରଙ୍ଗର ପାଣି ଏବଂ ଲହଡୀର ସୀମା ଦେଖିବାକୁ ମିଳେ । ଏହି ସୀମା ଦୁଇଟି ପାଣିକୁ ପରସ୍ପର ସହିତ ମିଶିବାକୁ ଦେଇନଥାଏ । ଏହା ଦେଖିବାକୁ ଖୁବ ଆଶ୍ଚର୍ଯ୍ୟକର ମଧ୍ୟ ।
