୩୦ ବର୍ଷ ଧରି ମୂର୍ଚ୍ଛା ରୋଗ ପାଇଁ ଔଷଧ ଖାଇ ଆସୁଥିଲେ ବ୍ୟକ୍ତି, ପରେ ଜାଣିବା ପରେ ପାଦ ତଳୁ ମାଟି ଖସିଗଲା
ଅଧିକାଂଶ ସମୟରେ କିଛି ଲୋକ ରୋଗକୁ ଅନୁମାନ କରି ବିନା ଡାକ୍ତରଙ୍କ ପରାମର୍ଶରେ ଔଷଧ ଖାଇବାକୁ ଲାଗନ୍ତି । ଯାହା ବିରାଟ କ୍ଷତି ପହଂଚାଇପାରେ । ଏହିଭଳି ଏକ ଆଶ୍ଚର୍ଯ୍ୟ କରିବା ଭଳି ଘଟଣା ଚୀନରେ ସାମ୍ନାକୁ ଆସିଛି । ଯେଉଁଠାରେ ଏକ ବ୍ୟକ୍ତି ୩୦ ବର୍ଷ ଧରି ଅପସ୍ମାର ରୋଗ ବା ମୂର୍ଚ୍ଛା ରୋଗ ପାଇଁ ଔଷଧ ଖାଇ ଆସୁଥିଲେ, କିନ୍ତୁ ବାସ୍ତବ କାରଣ ଜାଣିବା ପରେ ତାଙ୍କ ପାଦ ତଳୁ ମାଟି ଖସିଗଲା ।
ଦିନକର କଥା । ଚୀନର ଗୁଅାଁଗନ୍ଦୋଗ ପ୍ରାନ୍ତ ପାହାଡ଼ିଆ ଅଂଚଳରେ ରହୁଥିବା ୫୯ ବର୍ଷୀୟ ଝାଂଙ୍ଗଙ୍କୁ ସର୍ବ ପ୍ରଥମେ ୧୯୮୯ରେ ମୁଣ୍ଡ ବିନ୍ଧିବା ଏବଂ ଘୁରାଇବା ଭଳି ସମସ୍ୟା ଦେଖା ଦେଇଥିଲା । ସେହି ସମୟରେ ସେ ତାଙ୍କ ବନ୍ଧୁ ମାନଙ୍କ ସହିତ ଖେଳ ଖେଳୁଥିଲେ, ଏହି ସମୟରେ ତାଙ୍କ ପାଦ ଏବଂ କାନ୍ଧ ଆଦିରେ ସମସ୍ୟା ଦେଖାଦେଲା । ମୁହଁରୁ ଲାଳ ବାହାରିବାକୁ ଲାଗିଲା ଏବଂ ସେ ବେହୋଶ ହୋଇଗଲେ । ଏହାପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଗଲା । ଯେଉଁଠାରେ ଡାକ୍ତର ତାଙ୍କୁ ବାତ ହୋଇଛି ବୋଲି କହିଲେ । ଏହାପର ଠାରୁ ସେ ଲଗାତାର ଅପସ୍ମାର ରୋଗ ପାଇଁ ଓଷଧ ଖାଇବାକୁ ଲାଗିଲେ । କିନ୍ତୁ କଷ୍ଟ କମ ହେଲା ନାହିଁ । ୨୦୧୫ରେ ସମସ୍ୟା ଅଧିକ ବଢିଗଲା ଏବଂ ଅଧିକ ସେତେବେଳେ ହେଲା ଯେତେବେଳେ ଗାଁରେ ନିଆଁ ଲାଗିଗଲା । ଏହାପରେ ସବୁ ମାସରେ ଏଭଳି ସମସ୍ୟା ଦେଖାଦେଲା । ଯାହାପରେ ବ୍ୟକ୍ତି ଜଣକ ହସ୍କିଟାଲ ଗଲେ ଏବଂ ଦାବି କରିବାକୁ ଲାଗିଲେଯେ ତାଙ୍କୁ ଅପସ୍ମାର ରୋଗ ହୋଇଛି । ଏହାପରେ ଏମଆରଆଇ କରାଗଲା । ତାହାପରେ ସାମ୍ନାକୁ ଆସିଲା ପ୍ରକୃତ କାରଣ ।
ବାସ୍ତବରେ ଝାଂଙ୍ଗଙ୍କ ମୁଣ୍ଡରେ ୩୦ ବର୍ଷ ଧରି ୧୦ ସେ.ମିର ଏକ ଜିଆ ଥିଲା । ଏହାକୁ ସର୍ଜରୀ ପରେ ବାହାର କରାଗଲା ।