ସୋସିଆଲ ମିଡିଆରେ ମଧ୍ୟ ଛାଇ ରହିଲେ ଦିବ୍ୟଙ୍କା, ନିଜ ନାମରେ କଲେ ଏହି ରେକର୍ଡ
ଷ୍ଟାର ପ୍ଲସରେ ପ୍ରସାରିତ ହେଉଥିବା ଶୋ’ ‘ୟେ ହେ ମହୋବତେଁ’ ଇଶିତା ଭଲ୍ଲା ଚରିତ୍ରରେ ଘରେ ଘରେ ପରିଚିତ ଅଭିନେତ୍ରୀ ଦିବ୍ୟଙ୍କା ତ୍ରିପାଠୀ ହଦିୟା ଟିଭି ଜଗତର ସବୁଠାରୁ ପପୁଲାର ବୋହୂ । ଟିଭି ପରଦା ବ୍ୟତିତ ଦିବ୍ୟଙ୍କା ସୋସିଆଲ ମିଡିଆରେ ମଧ୍ୟ ଛାଇ ରହିଛନ୍ତି । ଦିବ୍ୟଙ୍କାଙ୍କ ଇନଷ୍ଟାଗ୍ରାମରେ ବର୍ତ୍ତମାନ ୭ ମିଲିୟନରୁ ଅଧିକ ଫଲୋୟସ ଅଛନ୍ତି । ଟିଭି ଜଗତର ପ୍ରଥମ ଅଭିନେତ୍ରୀ ଭାବେ ସେ ଏହି ରେକର୍ଡ କରିଛନ୍ତି । ଟିଭିର ପପୁଲାର ଅଭିନେତ୍ରୀ ହିନା ଖାନ, ଅନୀତା ହଂସନ୍ଦାନୀ ପରି ଅଭିନେତ୍ରୀଙ୍କୁ ପଛରେ ପକାଇ ସେ ଏହି ମାମଲାରେ ଶୀର୍ଷରେ ଅଛନ୍ତି ।
ଦିବ୍ୟଙ୍କା ଇନଷ୍ଟାଗ୍ରାମରେ ଫଟୋ ଶେୟାର କରି ନିଜର ଖୁସିକୁ ଦର୍ଶାଇଛନ୍ତି । ସେ ୭ ମିଲିୟନର ଏକ କେକର ଫଟୋ ପୋଷ୍ଟ କରି ନଜ ଫ୍ୟାନ୍ସଙ୍କୁ ଧନ୍ୟବାଦ ଜଣାଇଥିଲେ ।
ନିକଟରେ ଜଣେ ଟ୍ରୋଲର ଦିବ୍ୟଙ୍କାଙ୍କ ଶରୀରକୁ ନେଇ ତାଙ୍କୁ ଟ୍ରେଲ କରିଥିଲେ । ଏହା ପରେ ଦିବ୍ୟଙ୍କା ଟ୍ରୋଲରଙ୍କୁ ଜବାବ ମଧ୍ୟ ଦେଇଥିଲେ ।
