କିଛି ମିନିଟରେ ଦୂର କରନ୍ତୁ ରୋଷେଇ ଘରର ଦୁର୍ଗନ୍ଧ ।

ଦୁର୍ଗନ୍ଧ ରୋଷେଇ ଘର କାହାକୁ ବା ପସନ୍ଦ? କିନ୍ତୁ କେବେ କେବେ ଭାରତୀୟ ମସଲାର ବାସ୍ନା ଦୁର୍ଗନ୍ଧର ରୂପ ନିଏ । ଆପଣ ରୋଷେଇ ଘରକୁ ପ୍ରତିଦିନ ଯେତେ ପରିଷ୍କାର କଲେ ମଧ୍ୟ ତାହାର ଗନ୍ଧ ଯାଏ ନାହିଁ । ତେଣୁ ଏହି ପରିସ୍ଥିତିରେ ଆପଣ ମହଙ୍ଗା ଡିଟରଜେଂଟ ବ୍ୟବହାର ନ କରି ଘରୋଇ ଉପାୟରେ ଗନ୍ଧ ଦୂର କରନ୍ତୁ । ଏହା ଦ୍ୱାରା କମ ଖର୍ଚ୍ଚରେ ସହଜରେ ଦୁର୍ଗନ୍ଧ ଦୂର ହୋଇଯିବ ।

ଆପଣ ଆଜି ପର୍ଯ୍ୟନ୍ତ ଖାଦ୍ୟରେ ଭିନେଗାରକୁ ବ୍ୟବହାର କରିଥିବେ, କିନ୍ତୁ ଏହା ଦୁର୍ଗନ୍ଧ ଦୂର କରିବାରେ ମଧ୍ୟ ସହାୟକ ହୋଇଥାଏ । ଏଥିପାଇଁ ଏକ ପାତ୍ରରେ ସାମାନ୍ୟ ଧଳା ଭିନେଗାର ନିଅନ୍ତୁ ଏବଂ ଏଥିରେ ଡାଳଚିନିର କିଛି ଟୁକୁଡ଼ା ପକାଇ ଦିଅନ୍ତୁ । ଏହାକୁ ଦୁର୍ଗନ୍ଧ ହେଉଥିବା ସ୍ଥାନରେ ରଖି ଦିଅନ୍ତୁ । ଏହି ପାଣିକୁ ଆପଣ ଘର ପୋଛିବା ସମୟରେ ବ୍ୟବହାର କରିପାରିବେ ।

ଆମିଷ ଖାଇବା ପରେ ରୋଷେଇ ଘରୁ ହେଉ ବା ହାତରୁ ଏକ ପ୍ରକାରର ଗନ୍ଧ ଆସିଥାଏ । ତେଣୁ ହାତକୁ ଧୋଇବା ପୂର୍ବରୁ ଚିନିରେ ମସାଜ କରନ୍ତୁ ଏବଂ ଏହାପରେ ସାବୁନରେ ହାତ ଧୋଇ ଦିଅନ୍ତୁ । ଏହା ସହିତ ଆପଣ ରୋଷେଇ ଘରେ ସାବୁନ ପାଣିରେ ଚିନି ମିଶାଇ ରଖି ଦିଅନ୍ତୁ । ଏହା ଦ୍ୱାରା ଦୁର୍ଗନ୍ଧ ଦୂର ହୋଇଯିବ ।

ଏକ ପାତ୍ରରେ ପରିପୂର୍ଣ୍ଣ ପାଣି ନିଅନ୍ତୁ । ସେଥିରେ ଲେମ୍ବୁ ଚିପୁଡ଼ି ରଖି ଦିଅନ୍ତୁ । ଏହା ଦ୍ୱାରା ଦୁର୍ଗନ୍ଧ ଦୂର ହୋଇଯିବ ।

କଡ଼ାଇରେ ଏକ ପାଣିକୁ ଧୀର ଆଂଚରେ ଗରମ କରନ୍ତୁ । ଏହାକୁ ୨ ମିନିଟ ଫୁଟାଇବା ପରେ ଡାଳଚିନି କିମ୍ବା ଗୁଜୁରାତି ପକାନ୍ତୁ । ଏହା ଦ୍ୱାରା ସର୍ବାଧିକ ଦୁର୍ଗନ୍ଧ ମଧ୍ୟ ଦୂର ହୋଇଯିବ ।

ଦୁର୍ଗନ୍ଧ ହେଉଥିବା ସ୍ଥାନରେ କିଛି ବେକିଂ ସୋଢା ଛିଂଚି ଛାଡ଼ି ଦିଅନ୍ତୁ । ଏହାପରେ ଓଦା କପଡ଼ାରେ ରୋଷେଇଘରକୁ ସଫା କରି ଦିଅନ୍ତୁ । ଏଭଳି କରିବା ଦ୍ୱାରା ଦୁର୍ଗନ୍ଧ ଦୂର ହୋଇଯିବ ।