ବଲିଉଡରୁ ଇଣ୍ଟରନ୍ୟାସନାଲ ଆଇକନ ହୋଇପାରିଥିବା ପ୍ରିୟଙ୍କା ଚୋପ୍ରାଙ୍କ ଆମେରିକୀୟ ଶୋ’ ‘କ୍ୱାଣ୍ଟିକୋ ସିଜିନ ୩’ ଏବେ ବିବାଦରେ ଘେରି ରହିଛି । ଖବର ଅନୁସାରେ ‘କ୍ୱାଣ୍ଟିକୋ ୩’ର ଏକ ଏପିସୋଡରେ ଆତଙ୍କ ହାମଲା ପଛରେ ଭାରତୀୟ ରାଷ୍ଟ୍ରବାଦର ହାତ ଅଛି ବୋଲି କୁହାଯାଇଥିଲା । ଏହାକୁ ନେଇ ଏବେ ବିବାଦ ବଢିବାରେ ଲାଗିଛି । ଲୋକେ ପ୍ରିୟଙ୍କା ଉପରେ ତାଙ୍କ କ୍ରୋଧ ପ୍ରକାଶ କରିଛନ୍ତି ।
ଏହି ମାମଲାରେ ଏବେ ପ୍ରିୟଙ୍କା ନିଜ ମୁହଁ ଖୋଲିଛନ୍ତି । ପ୍ରିୟଙ୍କା ଏହି ମାମଲା ପାଇଁ କ୍ଷମା ମାଗିଛନ୍ତି । ଏହା ପୂର୍ବରୁ ହିନ୍ଦୀ ଆତଙ୍କବାଦ ସିନ ପାଇଁ ‘କ୍ୱାଣ୍ଟିକୋ’ ଟିମ କ୍ଷମା ମାଗିସାରିଛନ୍ତି ।
I’m extremely saddened and sorry that some sentiments have been hurt by a recent episode of Quantico. That was not and would never be my intention. I sincerely apologise. I’m a proud Indian and that will never change.
— PRIYANKA (@priyankachopra) June 9, 2018
ପ୍ରିୟଙ୍କା ଏହି ମାମଲାକୁ ନେଇ ଟୁଇଟ କରି ଲେଖିଥିଲେ ‘କ୍ୱାଣ୍ଟିକୋର ଏହି ଏପିସୋଡକୁ ନେଇ କିଛି ଲୋକଙ୍କୁ ଭାବନାତ୍ମକ ଆଘାତ ଦେଇଛି । ଏଥିପାଇଁ ମୁଁ ଖୁବ ଦୁଃଖିତ । ଏବଂ ସମସ୍ତଙ୍କୁ କ୍ଷମା ମାଗୁଛି । ଏପରି କରିବା ମୋର ଉଦ୍ଦେଶ୍ୟ ନଥିଲା ନା କେବେ ରହିବ ।’ ଏହା ସହିତ ସେ କହିଥିଲେ ମୁଁ ଭାରତୀୟ ଭାବେ ଗର୍ବ ଅନୁଭବ କରେ ଏବଂ ଏହା କେବେ ବଦଳିବ ନାହିଁ ।
Latest episode of Quantico is about Hindu men with Rudraksh .. who are identified as Indian nationalists with knowledge of Indian government planning a Nuclear attack and blaming Pakistan and the Great priyanka chopra with FBI team stops it .. #Shame #ShameonyouPriyankaChopra pic.twitter.com/Qhyve3GOEW
— Shatrughan Sinha (@AsliShotgun) June 5, 2018
ଖବର ଅନୁସାରେ ‘କ୍ୱାଣ୍ଟିକୋ ୩’ର ଏହି ଏପିସୋଡରେ ଭାରତ ଏବଂ ପାକିସ୍ତାନର ଶାନ୍ତି ବାର୍ତ୍ତା ପୂର୍ବରୁ ନ୍ୟୁୟର୍କରେ ପରମାଣୁ ଆତଙ୍କ ହାମଲାର ଷଡଯନ୍ତ୍ର ବିଷୟରେ ଖବର ମିଳୁଥିବା ଦର୍ଶାଯାଇଛି । ଏହା ଷଡଯନ୍ତ୍ରରେ ଜଣେ ବ୍ୟକ୍ତିଙ୍କୁ ସନ୍ଦେହ କରାଯାଏ ଏବଂ ତାହା ପାଖରୁ ରୃଦ୍ରାକ୍ଷ ମିଳିଥାଏ । ଏହା ପରେ ପ୍ରିୟଙ୍କା କୁହନ୍ତି ଇଣ୍ଡିଆନ ନ୍ୟାସନାଲିଷ୍ଟ ଯେ ହାମଲା କରି ପାକିସ୍ତାନକୁ ବଦନାମ କରିବା ପାଇଁ ଚାହୁଁଛି । ପ୍ରିୟଙ୍କା ‘କ୍ୱାଣ୍ଟିକୋ ୩’ରେ ଏଲେକ୍ସ ପ୍ୟାରିଶ ଭୂମିକାରେ ନଜର ଆସିଛନ୍ତି ଯେ ଜଣେ ଏଫବିଆଇ ଏଜେଣ୍ଟ । ଏହି ଭିଡିଓ ସୋସିଆଲ ମିଡିଆରେ ଏବେ ଖୁବ ଭାଇରାଲ ହେବାରେ ଲାଗିଛି । ଯାହାକୁ ନେଇ ବିବାଦ ବଢିବାକୁ ଲାଗିଛି ।