ଇଣ୍ଡୋନେସିଆ ବିମାନ ଘଟଣା: ଜୀବନ ହରାଇଲେ ସମସ୍ତ ଯାତ୍ରୀ, ଏହି ବ୍ୟକ୍ତିଙ୍କ ସହିତ ହେଲା ଚମତ୍କାର ।
ସୋମବାରକୁ ଇଣ୍ଡୋନେସିଆ ବିମାନ କମ୍ପାନୀ ଲାୟନ ଏୟାରର ବୋର୍ଡ଼ିଂ ବିମାନର ଦୁର୍ଘଟଣାରେ ସମଗ୍ର ୧୮୯ ଯାତ୍ରୀ ଜୀବନ ହରାଇଛନ୍ତି । ମୃତ୍ୟୁ ସଂଖ୍ୟା ୧୯୦ ହୋଇଥାନ୍ତା । କିନ୍ତୁ ସେତିୟାବାନ ନାମକ ଜଣେ ବ୍ୟକ୍ତି ଟ୍ରାଫିକରେ ଫସି ଯାଇଥିବାରୁ ବିଳମ୍ବରେ ପହଂଚିଥିଲେ ।ଯାହା ଦ୍ୱାରା ସେ ଫ୍ଲାଇଟ ମିସ କରିଥିଲେ । ବୋର୍ଡ଼ିଂରେ ଇଣ୍ଡୋନେସିଆର ଫାଇନାନ୍ସ ମିନିଷ୍ଟ୍ରିର ପ୍ରାୟ ୨୦ ଜଣ କର୍ମଚାରୀ ମଧ୍ୟ ଉପସ୍ଥିତ ଥିଲେ । ଏମାନଙ୍କ ମଧ୍ୟରୁ ଅଧା ଲୋକ ସେତିୟାବାନଙ୍କ ସହଯୋଗୀ ଥିଲେ । ସୋନି ସେତିୟାବାନ କହିଛନ୍ତିଯେ ଫ୍ଲାଇଟ ମିସ ହେବା ପରେ ସେ ଅନ୍ୟ ଏକ ଫ୍ଲାଇଟରେ ପଙ୍ଗକଲ ପିନାଙ୍ଗ ଏୟାରପୋର୍ଟରେ ପହଂଚିଲେ ତ ଏହି ଘଟଣା ବିଷୟରେ ଜାଣିଲେ ।
ଇଣ୍ଡୋନେସିଆର ଲାୟନ ଏୟାର ବିମାନ ସୋମବାରକୁ ଜାକର୍ତ୍ତାରୁ ଟେକ ଅଫର ପ୍ରାୟ ୧୩ ମିନିଟ ପରେ ଏହି ଦୁର୍ଘଟଣା ଘଟିଥିଲା ।କୁହାଯାଉଛିଯେ ସଂଯୋଗ କଟିବା ପୂର୍ବରୁ ପାଏଲଟ ଫେରି ଆସିବା ପାଇଁ ସିଗନାଲ ଦେଇଥିଲେ ।କିନ୍ତୁ ଫେରିବା ପୂର୍ବରୁ ଘଟିଗଲା ଏଭଳି ଅଭାବନୀୟ ଦୁର୍ଘଟଣା ।
ଫ୍ଲାଇଟରେ ୧୮୧ ଜଣ ଯାତ୍ରୀ ଏବଂ ୮ ଜଣ କ୍ରୁ ସଦସ୍ୟ ଥିଲେ । ସମସ୍ତ ଲୋକ ଏହି ଦୁର୍ଘଟଣାରେ ଜୀବନ ହରାଇଛନ୍ତି । ଦୁର୍ଘଟଣା ପରେ ଉଦ୍ଧାରକାରୀ ଦଳକୁ ବ୍ୟକ୍ତିଙ୍କ ଅବଶେଷ ସହିତ ସେମାନଙ୍କ କିଛି ଜିନିଷ ମଧ୍ୟ ମିଳିଛି । ଦୁର୍ଘଟଣାର ଯାଂଚ କରିବା ପାଇଁ ଇଣ୍ଡୋନେସିଆର ରାଷ୍ଟ୍ରପତି ଜୋକୋ ବିଡୋଡୋ ଆଦେଶ ଦେଇଛନ୍ତି ।