ପ୍ରେମ, ବିବାହ, ବିଚ୍ଛେଦ ଓ ପରେ ଅନ୍ୟତ୍ର ବିବାହ ! ତଥାପି ସରିଲାନି ଭଲପାଇବା, ୭୨ ବର୍ଷ ପରେ ପୂର୍ବ ପତ୍ନୀଙ୍କୁ ଭେଟିଲେ ୯୦ ବର୍ଷିଅ ବୃଦ୍ଧ ।

ସେହି ବର୍ଷ ଡିସେମ୍ବର ୩୦ ତାରିଖ ସଂଧ୍ୟାରେ ନାରାୟଣନ୍ ଏବଂ ତାଙ୍କ ବାପା ଥାଲିୟାନ୍ ରମନ ନମ୍ବିୟାର୍ ଅନ୍ୟ ୫୦୦ କୃଷକଙ୍କୁ ସାଥିରେ ନେଇ ଅସ୍ତ୍ରଶସ୍ତ୍ର ସହ କର୍କଟିଦମ ନୟନାରଙ୍କ ଘରେ ଆକ୍ରମଣ କରିବା ପାଇଁ ବାହାରି ଯାଇଥିଲେ। ସେମାନେ ନୟନାରଙ୍କ ଘରେ ବଡ଼ି ଭୋରୁ ହମ୍ଲା କରିବାର ଯୋଜନା କରିଥିଲେ। ଏହି ଯୋଜନା ସଂପର୍କରେ ମାଲବରର ସ୍ପେସିଆଲ୍ ପୁଲିସ୍(ଏମ୍ଏସ୍ପି)କୁ ଖବର ମିଳିବା ପରେ ପୁଲିସ୍ ଆସି ମଧ୍ୟରାତ୍ରରେ ଆନ୍ଦୋଳନକାରୀଙ୍କ ଉପରେ ଗୁଳି ଚାଳନା କରିଥିଲା। ସେହି ଗୁଳିଚାଳନାରେ ୫ ଜଣଙ୍କ ଜୀବନ ଯାଇଥିଲା। ସେହି ଅନ୍ଦୋଳନରେ ପୁଲିସ୍ ଦ୍ୱାରା ଗିରଫ ହୋଇଥିଲେ ନାରାୟଣନ୍ ଏବଂ ତାଙ୍କ ବାପା ଥାଲିୟାନ୍ ରମନ। ପରେ ସେମାନଙ୍କୁ କୁନୁର ଓ ସଲେମ୍ ଜେଲରେ ବନ୍ଦୀ କରାଯାଇଥିଲା। ଯଦିଓ ନାରୟଣନଙ୍କ ଦେହରେ ୧୬ଟି ଗୁଳି ବାଜିଥିଲା, ତଥାପି ବି ସେ ବଞ୍ଚି ରହିଥିଲେ। ମାତ୍ର ପରବର୍ତ୍ତୀ ମୁହୂର୍ତ୍ତରେ ତାଙ୍କ ବାପାଙ୍କୁ ହିଂସ୍ର ବିରୋଧୀଙ୍କ ସହ ଯୋଗାଯୋଗରେ ରହୁଥିବା ସନ୍ଦେହରେ ଜେଲ୍ ମଧ୍ୟରେ ଗୁଳି କରି ହତ୍ୟା କରାଯାଇଥିଲା। ଯାହାବି ହେଉ, କୌଣସି ମତେ ଆଉ ନାରାୟଣନଙ୍କର ଜେଲରୁ ବାହାରିବାର କିଛି ସମ୍ଭାବନା ଦିଶୁନଥିଲା। ବାଧ୍ୟ ହୋଇ ନାରାୟଣନଙ୍କ ମାଆ ସାରଦାଙ୍କୁ ତାଙ୍କ ଘରକୁ ପଠାଇ ଦେଇଥିଲେ। ସାରଦା ପରେ ଦ୍ୱିତୀୟ ବିବାହ କରିଥିଲେ। ୮ ବର୍ଷ ପରେ ୧୯୫୪ ମସିହାରେ ନାରାୟଣନ୍ ଜେଲ୍ରୁ ବାହାରି ସାରଦା ଅନ୍ୟତ୍ର ବିବାହ କରିଥିବା ଜାଣିବାକୁ ପାଇଥିଲେ। ଫଳରେ ସେ ବି ଅନ୍ୟତ୍ର ବିବାହ କରି ସଂସାର କରିଥିଲେ। ସେବେଠୁ ନାରାୟଣନ୍ ଏବଂ ସାରଦାଙ୍କ ପଥ ପୃଥକ ହୋଇ ଯାଇଥିଲା।