ରୋହିତ ସେଟ୍ଟୀଙ୍କ ଆଗାମୀ ଫିଲ୍ମର ଘୋଷଣା, ଫରାହ ଖାନଙ୍କ ସହିତ ଆଗାମୀ ବକ୍ଲବଷ୍ଟର ଫିଲ୍ମ ପାଇଁ ଆରମ୍ଭ କଲେ ପ୍ରସ୍ତୁତି
‘ସିମ୍ବା’ର ସଫଳତା ପରେ ନିର୍ଦ୍ଦେଶକ ରୋହିତ ସେଟ୍ଟୀଙ୍କ ଆଗାମୀ ଫିଲ୍ମର ଘୋଷଣା ହୋଇସାରିଛି । ରୋହିତ ସେଟ୍ଟୀଙ୍କ ଏହି ଫିଲ୍ମ ଏକ ଆକ୍ସନ- କମେଡିରେ ଭରପୂର ଫିଲ୍ମ ହେବ । ଏହି ଫିଲ୍ମକୁ ଫରାହ ଖାନ ନିର୍ଦ୍ଦେଶନା ଦେବେ । ଆଜ୍ଞା ହଁ, ଏହି ଫିଲ୍ମ ପାଇଁ ରୋହିତ ଫରାହ ଖାନଙ୍କୁ ସାଇନ କରିଛନ୍ତି ।
IT’S OFFICIAL… Rohit Shetty signs Farah Khan to direct an action-comedy film for his production house Rohit Shetty Picturez… #RelianceEntertainment pic.twitter.com/XQdHZi5ITl
— taran adarsh (@taran_adarsh) February 7, 2019
ଟ୍ରେଡ ଆନାଲିଷ୍ଟ ତରଣ ଆଦର୍ଶ ଟ୍ୱିଟ କରି ଏହି ବିଷୟରେ ଦର୍ଶକଙ୍କୁ ସୂଚନା ଦେଇଛନ୍ତି । ସେ ରୋହିତ-ଫରାହଙ୍କ ଏକ ଫଟୋ ସେୟାର କରି ଲେଖିଛନ୍ତି, ‘ଇଟସ୍ ଅଫିସିଆଲ ! ରୋହିତ ସେଟ୍ଟୀ ନିଜର ଆଗାମୀ ଆକ୍ସନ-କମେଡି ଫିଲ୍ମ ପାଇଁ ଫରାହ ଖାନଙ୍କୁ ସାଇନ କରିଛନ୍ତି । ଏହି ଫିଲ୍ମର ନିର୍ଦ୍ଦେଶନା ଦେବେ ଫରାହ ଖାନ । ଏହାକୁ ରୋହିତ ସେଟ୍ଟୀ ପିକଚର୍ସ ବ୍ୟାନରରେ ନିର୍ମାଣ କରାଯିବ । ’
ଆପଣଙ୍କୁ କହିରଖୁଛୁ ଯେ, ସୋସିଆଲ ମିଡିଆରେ କେବଳ ଏହି ଆକ୍ସନ- କମେଡି ଫିଲ୍ମର ଘୋଷଣା କରାଯାଇଛି । ଫିଲ୍ମର ଷ୍ଟାରକାଷ୍ଟ ଏବଂ କାହାଣୀ ବିଷୟରେ କୌଣସି ସୂଚନା ଦିଆଯାଇନାହିଁ । ନିର୍ଦ୍ଦେଶକ ରୋହିତ ସେଟ୍ଟୀ ଏବେ ନିଜର ଆଗାମୀ ଫିଲ୍ମ ‘ସୂର୍ଯ୍ୟବଂଶୀ’ର ସୁଟିଂରେ ବ୍ୟସ୍ତ ଅଛନ୍ତି । ଏହି ଫିଲ୍ମର ସୁଟିଂ ଏବେ ଗୋଆରେ ଚାଲୁଛି । ଫିଲ୍ମରେ ଅକ୍ଷୟ କୁମାର ମୂଖ୍ୟ ଭୂମିକାରେ ନଜର ଆସିବେ । ଫିଲ୍ମ ଚଳିତ ବର୍ଷର ଶେଷ ଆଡକୁ ରିଲିଜ ହେବ ।