ବଲିଉଡ ଅଭିନେତା କାର୍ତ୍ତିକ ଆର୍ୟନ ଏବଂ ଅଭିନେତ୍ରୀ ସାରା ଅଲ୍ଲୀ ଖାନ ଖୁବ ଶୀଘ୍ର ଏକ ଫିଲ୍ମରେ ନଜର ଆସିବେ । ଖବର ଅନୁସାରେ ଏହି ଫିଲ୍ମ ‘ଲଭ ଆଜକଲ’ର ରିମେକ । ଦୁହେଁ ଫିଲ୍ମର ସୁଟିଂ ମଧ୍ୟ ଆରମ୍ଭ କରି ସାରିଛନ୍ତି । ନିକଟରେ ସୁଟିଂ ସେଟର ଏକ ଫଟୋ ସାମ୍ନାକୁ ଆସିଛି । ଏହି ଫଟୋରେ କାର୍ତ୍ତିକ ନିକ କୋ-ଷ୍ଟାର ସାରା ଅଲ୍ଲୀ ଖାନଙ୍କୁ ସ୍ମାଇଲ ସହିତ ଦେଖୁଥିବାର ନଜର ଆସିଛନ୍ତି । ଅନ୍ୟ ପକ୍ଷରେ ସାରା କିଛି ଭାବୁଥିବାର ଦେଖିବାକୁ ମିଳିଛି ।
ଏହି ଫଟୋରେ ସାରା ରେଡ ସର୍ଟ ଡ୍ରେସରେ ନଜର ଆସିଥିବା ବେଳେ କାର୍ତ୍ତିକ ଟି-ସର୍ଟ ସହିତ ବ୍ଲାକ ଜିନ୍ସରେ ନଜର ଆସିଛନ୍ତି । ଏହା ସହିତ କାର୍ତ୍ତିକ ହାତରେ ଏକ ଗ୍ଲାସ ଧରିଥିବାର ଦେଖିବାକୁ ମିଳିଛି ।
ଏହା ପୂର୍ବରୁ ଫିଲ୍ମର ସେଟରୁ ଏକ ରୋମାଣ୍ଟିକ ଭିଡିଓ ସିନ ଲିକ ହୋଇଥିଲା । ଏହି ଭିଡିଓରେ ସାରା ଏବଂ କାର୍ତ୍ତିକ କିସ କରୁଥିବାର ନଜର ଆସିଛନ୍ତି । କିନ୍ତୁ ଭିଡିଓ କିଛି ସ୍ପଷ୍ଟ ନଥିଲା ।
କହିରଖୁଛୁ ଯେ, ସାରା ଫିଲ୍ମ କେଦାରନାଥରେ ଡେବ୍ୟୁ କରିବା ପରେ ତାଙ୍କ ଅଭିନୟ ଦକ୍ଷତାକୁ ଲୋକେ ଖୁବ ପସନ୍ଦ କରିଥିଲେ । ଇତି ମଧ୍ୟରେ ସାରାଙ୍କ ଫ୍ୟାନ ଫଲୋଇଙ୍ଗ ଖୁବ ବଢିଯାଇଛି । ଏହା ସହିତ ଲୋକେ ତାଙ୍କ ହସ ମିଜାଜ ସ୍ୱଭାବକୁ ମଧ୍ୟ ଖୁବ ଭଲପାଉଛନ୍ତି । ସେହିପରି ସୋନୁ କି ଟିଟୁ କି ସ୍ୱିଟି ପରେ ନିର୍ଦ୍ଦେଶକଙ୍କ ପ୍ରଥମ ପସନ୍ଦ ପାଲଟିଛନ୍ତି । ଦୁହିଁଙ୍କୁ ପରଦାରେ ଏକା ସହିତ ଦେଖିବା ପାଇଁ ତାଙ୍କ ଫ୍ୟାନ୍ସ ଉତ୍ସାହର ସହିତ ଅପେକ୍ଷା କରି ରହିଛନ୍ତି ।