ଛୋଟ ପରଦାରେ ଗ୍ଲାମରସ ଏଣ୍ଟ୍ରି ମାରିବେ କରୀନା କପୁର, ଡ୍ୟାନ୍ସ ରିୟଲିଟି ଶୋ’ରେ ଆସିବେ ନଜର
କହିବା ଭୁଲ ହେବା ନାହିଁ ଯେ, ବଲିଉଡ ଅଭିନେତ୍ରୀ କରୀନା କପୁରଙ୍କ ଜବରଦସ୍ତ ଫ୍ୟାନ ଫଲୋଇଙ୍ଗ ରହିଛି । ଆଜି ମଧ୍ୟ ଲୋକେ ତାଙ୍କ ଚାର୍ମ ପାଇଁ ପାଗଳ ଅଟନ୍ତି । କରୀନାଙ୍କ ଏହି ଲୋକପ୍ରିୟତା ପାଇଁ ଏକ ବଡ ଟିଭି ଚ୍ୟାନେଲ ତାଙ୍କୁ ରିୟଲିଟି ଶୋ’ ପାଇଁ ଅଫର ଦେଇଛନ୍ତି । ଆଜ୍ଞା ହଁ, ଆପଣ ଠିକ ଶୁଣୁଛନ୍ତି । ଶିଳ୍ପା, ମଲାଇକାଙ୍କ ପରି କରୀନା ମଧ୍ୟ ଖୁବ ଶୀଘ୍ର ଛୋଟ ପରଦାରେ ଡେବ୍ୟୁ କରିପାରନ୍ତି ।
କରୀନାଙ୍କୁ ଏପର୍ଯ୍ୟନ୍ତ କେବଳ ନିଜ ଫିଲ୍ମର ପ୍ରମୋଶନ ପାଇଁ ରିୟଲିଟି ଶୋ’ରେ ଦେଖିବାକୁ ମିଳିଛି କିନ୍ତୁ ସେ କୌଣସି ଶୋ’ରେ ଭାଗ ନେଇ ନାହାଁନ୍ତି । ରିପୋର୍ଟ ଅନୁସାରେ କରୀନାଙ୍କୁ ଡ୍ୟାନ୍ସ ରିୟଲିଟି ଶୋ’ର ଅଫର ମିଳିଛି । ଚ୍ୟାନେଲ କରୀନାଙ୍କୁ ଶୋ’ରେ ଜଜ ହୋବା ପାଇଁ ଆପ୍ରୋଚ କରିଛନ୍ତି । ସେଥିପାଇଁ ଚ୍ୟାନେଲ ମୋଟା ଅଙ୍କର ଟଙ୍କା ମଧ୍ୟ ଦେବେ ବୋଲି ଶୁଣିବାକୁ ମିଳୁଛି । ଏହା ସହ କରୀନା ଚ୍ୟାନେଲ ସହିତ ୨-୩ଟି ମିଟିଂ ମଧ୍ୟ ଶେଷ କରିଥିବା ଜଣାପଡିଛି ।
ଯଦି କରୀନା ଏହି ଶୋ’ ପାଇଁ ହଁ କୁହନ୍ତି ତେବେ ସେ ଟିଭି ଦୁନିଆର ସବୁଠାରୁ ହାଇଏଷ୍ଟ ପେଡ ଅଭିନେତ୍ରୀ ହେବେ । କିନ୍ତୁ କରୀନା ଏପର୍ଯ୍ୟନ୍ତ କୌଣସି ଜବାବ ଦେଇନାହାଁନ୍ତି । ଏହା ସହିତ ଚ୍ୟାନେଲ ଆଶା କରିଛନ୍ତି ଯେ, କରୀନା ତାଙ୍କୁ ନିରାଶ କରିବେ ନାହିଁ ।
ଫିଲ୍ମ ବିଷୟରେ କହିବାକୁ ଗଲେ କରୀନା ଏବେ ନିଜର ଆଗାମୀ ଫିଲ୍ମ ‘ଗୁଜ ନ୍ୟୁଜ’ର ସୁଟିଂରେ ବ୍ୟସ୍ତ ଅଛନ୍ତି । ଏହି ଫିଲ୍ମରେ ତାଙ୍କ ଅପୋଜିଟରେ ଅକ୍ଷୟ କୁମାର ନଜର ଆସିବେ । ଏହା ପରେ ସେ କରଣ ଜୋହରଙ୍କ ମଲ୍ଟି ଷ୍ଟାରର ଫିଲ୍ମ ତଖ୍ତର ସୁଟିଂ କରିବେ ।
