ଦିଲ୍ଲୀର ୭୬ବର୍ଷୀୟ ପୂର୍ବ ଟ୍ରାଫିକ ୱାର୍ଡନ ହରଜିନ୍ଦର ସିଂ ସହରର ଏକମାତ୍ର ଅଟୋ ଆମ୍ବୁଲାନ୍ସ ଡ୍ରାଇଭର ଅଟନ୍ତି । ଯିଏ ଲୋକମାନଙ୍କୁ ମାଗଣାରେ ଅଟୋ ଆମ୍ବୁଲାନ୍ସ ସେବା ଯୋଗାଉଛନ୍ତି । ଜଣେ ପୂର୍ବ ଟ୍ରାଫିକ ୱାର୍ଡନ ହରଜିନ୍ଦର ସିଂଙ୍କ ଅଟୋ ଦିଲ୍ଲୀ ସଡକରେ ଭିନ୍ନ ନଜର ଆସିଛି । ଅଟୋ ପଛରେ ହିନ୍ଦୀ ଏବଂ ଇଂରାଜୀରେ ବଡ ଅକ୍ଷରରେ ଲେଖା ଅଛି ଯେ , ସଡକ ଦୁର୍ଘଟଣାରେ ଆହତ ହୋଇଥିବା ଲୋକଙ୍କ ପାଇଁ ମାଗଣା ସେବା । ସେବା ବିଷୟରେ ହରଜିନ୍ଦର କହିଛନ୍ତି ସେ ସର୍ବବ୍ୟାପୀ ନୁହଁନ୍ତି , କିନ୍ତୁ ନିଜ ଶେଷ ନିଶ୍ୱାସ ପର୍ଯ୍ୟନ୍ତ ସେ ଦୁର୍ଘଟଣାଗ୍ରସ୍ତ ଲୋକଙ୍କୁ ସାହାଯ୍ୟ କରିବେ । ସେ ପ୍ରତିଦିନ ଜଣକୁ ସାହାଯ୍ୟ କରୁଛନ୍ତି । ଯେତେବେଳେ ସେ ଟ୍ରାଫିକ ୱାର୍ଡନ ଥିଲେ ସେତେବେଳେ ସେ ଆଖି ସାମ୍ନାରେ ଅନେକ ଲୋକଙ୍କୁ ଦୁର୍ଘଟଣାରେ ପୀଡିତ ଥିବା ଦେଖିଥିଲେ ଏବଂ ସେ ସମୟରେ ସାହାଯ୍ୟ କରିବା ପାଇଁ ମଧ୍ୟ ଚାହୁଁଥିଲେ । ଏହି କାରଣରୁ ଚାକିରୀରୁ ଅବସର ପାଇବା ପରେ ଏକ ଅଟୋ କିଣିଥିଲେ ଏବଂ ଏହାପରେ ହିଁ ତାଙ୍କର ଏଭଳି କରିବା ପାଇଁ ମନରେ ଆସିଥିଲା ।
ସିଂ ଅଟୋ ଆମ୍ବୁଲାନ୍ସ ଇନ୍ଧନ ପାଇଁ ଟଙ୍କା ଅନ୍ୟ କାମ କରି ଯୋଗାଡ କରୁଛନ୍ତି । ସେ ଅଟୋ ମଧ୍ୟରେ ଏକ ଡୋନେସନ ବକ୍ସ ରଖିଛନ୍ତି ମାତ୍ର ଯାତ୍ରୀ ମାନଙ୍କୁ କେବେ ହେଲେ ଡୋନେସନ ପାଇଁ ଅନୁରୋଧ କରନ୍ତି ନାହିଁ । ଯିଏ ଇଚ୍ଛା କରେ ଦିଏ , ସେହି ଦାନ ପେଟିର ଟଙ୍କାରେ ସେ ପୀଡିତ ଲୋକଙ୍କ ପାଇଁ ମେଡିସିନ ଆଣିଥାଆନ୍ତି ।
Delhi: A 76-yr-old auto driver runs ‘auto ambulance’ to provide help free of cost to people injured in road accidents. Harzinder Singh,the auto driver,says,“If I come across any accident victim, I rush him to hospital so that his life is saved. On an average, I help 1 victim/day” pic.twitter.com/Y1bk3bHAyw
— ANI (@ANI) July 12, 2019
ସିଂ ଙ୍କ କହିବା ମୁତାବକ ଲୋକମାନେ ଠିକ ହେଲା ପରେ ତାଙ୍କୁ ଆଶୀର୍ବାଦ ଦେଉଛନ୍ତି , ଯେଉଁକାରଣରୁ ଆଗକୁ ବଢିବାକୁ ସାହାସ ମିଳୁଛି । ଏହି କାର୍ଯ୍ୟ ତାଙ୍କ ପରିବାର ଖୁବ ସପୋର୍ଟ ମଧ୍ୟ କରୁଛନ୍ତି ।