ବ୍ୟବସାୟିକ ଚିତ୍ର ସହ ଭିନ୍ନଧରଣର ଚିତ୍ର ନିର୍ମାଣ କରିବା ଦିଗରେ ତରଙ୍ଗ ସିନେ ପ୍ରଡକ୍ସନ ପ୍ରୟାସ କରୁଛି । ଏହି ବ୍ୟାନରରେ ନୂଆ ଚଳଚିତ୍ର ‘ବାଳ- ଦ ରିଦିମ ଅଫ ଲାଇଫ’ ଶୀଘ୍ର ମୁକ୍ତିଲାଭ କରିବାକୁ ଯାଉଛି । ସମଗ୍ର ଚନ୍ଦା ଲୋକଙ୍କ ପାଇଁ ମାନସିକ, ଶାରୀରିକ ଓ ଆର୍ଥିକ କ୍ଷତିକୁ ସରକାରଙ୍କ ପାଖରେ ଉପସ୍ଥାପିତ କରିବାକୁ ଯାଇ ଜଣେ ଚନ୍ଦା ଯୁବକ କିଭଳି ଉପହାସିତ ହେଉଛି ଏବଂ ନିଜ ଯୁକ୍ତିକୁ କିଭଳି ସମସ୍ତଙ୍କୁ ବୁଝାଇ ପାରୁଛି ତାକୁ ନେଇ ଏହି ଚିତ୍ରର କାହାଣୀ ଗତିଶୀଳ ।
ନିକଟରେ ଏହି ଫିଲ୍ମର ଟ୍ରେଲର ରିଲିଜ ହୋଇଛି । ତରଙ୍ଗ ସିନେ ପ୍ରଡକ୍ସନ ବ୍ୟାନରରେ ନିର୍ମିତ ଏହି ଫିଲ୍ମରେ ସମୀର ସତପଥୀ ଏବଂ ଦିବ୍ୟା ମହାନ୍ତିଙ୍କୁ ଲିଡ ରୋଲରେ ଦେଖିବାକୁ ମିଳିବ । ସମୀର ଏବଂ ଦିବ୍ୟାଙ୍କ ବ୍ୟତିତ ଅପରାଜୀତା ମହାନ୍ତି, ଅନନ୍ୟା ମିଶ୍ର, ସଲିଲ ମିତ୍ର, ଜୟପ୍ରକାଶ, ଅନନ୍ତ ମିଶ୍ର ଏବଂ ଐଶ୍ୱର୍ଯ୍ୟା ଆଦି ନଜର ଆସିବେ ।
କହିରଖୁଛୁ ଯେ, ଏହି ଫିଲ୍ମର କାହଣୀ ପରି ବଲିଉଡରେ ମଧ୍ୟ ଦୁଇଟି ଫିଲ୍ମ ରିଲିଜ ହେବାକୁ ଯାଉଛି । ଗୋଟିଏ ହେଉଛି ଆୟୁଷ୍ମାନ ଖୁରାନାଙ୍କ ଫିଲ୍ମ ‘ବାଲା’ ଆଉ ଗୋଟିଏ ହେଉଛି ସନି ସିଂଙ୍କ ଫିଲ୍ମ ‘ଉଜଡା ଚମନ’ ।