ଫାଷ୍ଟ ଲୁକ : ‘ବାଗୀ-୨’ରେ ଏହି ଅନ୍ଦାଜରେ ନଜର ଆସିବେ ବବଲି ଗାର୍ଲ ଜ୍ୟାକଲିନ ଫର୍ଣ୍ଣାଡିଜ
ବଲିଉଡର ବବଲି ଗାର୍ଲ ଜ୍ୟାକଲିନ ଫର୍ଣ୍ଣାଡିଜ ବର୍ତ୍ତମାନ ତାଙ୍କର ଆଗାମୀ ଫିଲ୍ମ ‘ରେସ-୩’ର ସୁଟିଂରେ ବ୍ୟସ୍ତ ଅଛନ୍ତି । କିନ୍ତୁ ନିକଟରେ ଖବର ଆସିଥିଲା ଜ୍ୟାକଲିନ, ଟାଇଗର ଶ୍ରଫ ଏବଂ ଦିଶା ପଟ୍ଟାନୀଙ୍କ ଫିଲ୍ମ ‘ବାଗୀ-୨’ ରେ ୯୦ ଦଶକର ସୁପରହିଟ ଗୀତ ‘ଏକ ଦେ ତିନ…’ ରେ ନଜର ଆସିବେ । ବର୍ତ୍ତମାନ ଜ୍ୟାକଲିନ ସୋସିଆଲ ମିଡିଆରେ ତାଙ୍କର ଏହି ଗୀତର ଫାଷ୍ଟ ଲୁକକୁ ଶେୟାର କରିଛନ୍ତି ।
‘ଏକ ଦେ ତିନ…’ ଗୀତ ‘ତେଜାବ’ ଫିଲ୍ମର ଥିଲା ଯେଉଁଥିରେ ମାଧୁରୀ ଦୀକ୍ଷିତ ନଜର ଆସିଥିଲେ । ଡ୍ୟାନ୍ସିଙ୍ଗର ଦିବା କୁହାଯାଉଥିବା ମାଧୁରୀଙ୍କ ଏହି ଗୀତ ସେତେବେଳେ ଖୁବ ଲୋକପ୍ରିୟ ହୋଇଥିଲା । ମଧୁରୀଙ୍କର ଏହି ଗୀତକୁ ସରୋଜ ଖାନ କୋରିଓଗ୍ରାଫ କରିଥିବା ବେଳେ ଏହି ରିକ୍ରିଏଟ ଭର୍ସନରେ ଗଣେଶ ଆଚାର୍ଯ୍ୟ ଅବଂ ଅହମ୍ମଦ ଖାନ କୋରିଓଗ୍ରାଫି ଦେଖିବାକୁ ମିଳିବ । ଏହା ପୂର୍ବରୁ ଜ୍ୟାକଲିନଙ୍କ ଫିଲ୍ମ ‘ରେସ-୨’ର ଗୀତ ‘ଲତ ଲଗ ଗୟି’ ଏବଂ ‘କିକ’ର ଗୀତ ‘ଝୁମେ କି ରାତ ହେ’କୁ ଅହମ୍ମଦ କୋରିଓଗ୍ରାଫ କରିସାରିଛନ୍ତି ।
#EkDoTeen Chaar Panch… can’t stop, won’t stop humming this tune!! ? Get ready! 1️⃣2️⃣3️⃣ @tigerjackieshroff @dishapatani @khan_ahmedasas @foxstarhindi @nadiadwalagrandson @tseries.official #Baaghi2 #SajidNadiadwala #Baaghi2onMarch30 https://t.co/gL2GxsHsls pic.twitter.com/scDZjJ1MdC
— Jacqueline Fernandez (@Asli_Jacqueline) March 16, 2018
ଏହି ଗୀତରେ ଲୁକରେ ଜ୍ୟାକଲିନ ଖୁବ ସୁନ୍ଦର ଦେଖାଯାଉଛନ୍ତି । ଜ୍ୟାକଲିନ ଏହି ଲୁକକୁ ଶେୟାର କରି ଲେଖିଥିଲେ ‘ଏକ ଦେ ତିନ ଚାର ପାଂଚ… ଏହି ଗୀତର ସଙ୍ଗୀତରୁ ନିଜକୁ ରଖି ପାରୁନି । ପ୍ରସ୍ତୁତ ହୋଇଯାଆନ୍ତୁ… ଖୁବ ଶୀଘ୍ର ଆସୁଅଛି ।’
ଉଲ୍ଲେଖଯୋଗ୍ୟ ‘ବାଗୀ-୨’ରେ ଟାଇଗର ଶ୍ରଫ ଏବଂ ଦିଶା ପଟ୍ଟାନୀଙ୍କ ଯୋଡିକୁ ଦର୍ଶକ ଦେଖିବାକୁ ପାଇବେ । ଏହି ଫିଲ୍ମ ମାର୍ଚ୍ଚ ୩୦ରେ ରିଲିଜ ହେବ ।