ରାଜନେତା ହେବାକୁ ଚାହାନ୍ତି ନାହିଁ, ରାଜନୀତିକୁ ଭୟ କରନ୍ତି ବୋଲି କହିଲେ ଏହି ସୁପରଷ୍ଟାର!
ଫିଲ୍ମ ସୁପରଷ୍ଟାର ଅମୀର ଖାନଙ୍କ କହିବା ମୁତାବକ ସେ ସମାଜର ଅନେକ କାର୍ଯ୍ୟର ନିଜକୁ ସାମିଲ କରିବାକୁ ପସନ୍ଦ କରନ୍ତି ମାତ୍ର ତାଙ୍କର ରାଜନୀତିକୁ ଆସିବା ପାଇଁ କୌଣସି ଆଗ୍ରହ ନାହିଁ । ୫୩ବର୍ଷୀୟ ବଲିଉଡର ଏହି ଅଭିନେତା ରବିବାର କହିଛନ୍ତି ଯେ ରାଜନୀତିକୁ ସେ ଭୟ କରନ୍ତି , ସେ ଅନୁମାନ କରନ୍ତି ଯେ ସେ ତାଙ୍କ ଫିଲ୍ମ ଦ୍ୱାରା ଅନେକ କାମ କରିପାରିବେ । ଏକ ଟିଭି ପ୍ରୋଗ୍ରାମ ଚ୍ୟାନେଲା ବିଶେଷ ଯୁବା ସମ୍ମିଳନୀ ‘ଯୁବା’ରେ ସେ ଏହିଭଳି କିଛି କହିଛନ୍ତି ଯେ ସେ ରାଜନେତା ହେବାକୁ ଚାହାନ୍ତି ନାହିଁ , ଏବଂ ତାଙ୍କୁ ରାଜନୀତି ପସନ୍ଦ ନୁହେଁ । ରାଜନୀତିକୁ ସେ ଭୟ କରନ୍ତି ବୋଲି କହିଛନ୍ତି ।
ଏହି କାରଣରୁ ସେ ଏସବୁରୁ ଦୂରେଇ ରୁହନ୍ତି ବୋଲି କହିଛନ୍ତି ମିଷ୍ଟର ପରଫେକ୍ସନିଷ୍ଟ । ରାଜନେତା ତାଙ୍କ କାମ ନୁହେଁ ସେ ଲୋକଙ୍କ ମନୋରଂଜନ କରିବାକୁ ପସନ୍ଦ କରନ୍ତି । ସେ ଏହା ମଧ୍ୟ କହିଛନ୍ତି ରାଜନେତା ପରିବର୍ତ୍ତେ ସେ ରଚନାତ୍ମକ ଏବଂ ଅଭିନୟ ଜରିଆରେ ଅନେକ ପରିବର୍ତ୍ତନ ଆଣିପାରିବେ ।
ଏଠାରେ ଆମେ କହି ରଖୁଛୁ ଯେ ପାଖାପାଖି ୫ବର୍ଷ ପରେ ଅମୀର ଖାନ ନିଜର ସୁପରହିଟ ଶୋ’ ସତ୍ୟମେବ ଜୟତେ ସହ ଛୋଟ ପରଦାକୁ ଫେରୁଛନ୍ତି । ଅମୀର ଏହି ଶୋ’ ପାଇଁ ପ୍ରସ୍ତୁତି ମଧ୍ୟ ଆରମ୍ଭ କରିସାରିଲେଣି । ଶୋ’ ପାଇଁ ଏଥର ୧୧ଟି ଏପିସୋଡ ଶୁଟ କରାଯିବ । ଶୋ’ର ପ୍ରଥମ ଭାଗ ୨୦୧୯ ଜାନୁଆରୀରେ ଆରମ୍ଭ ହୋଇ ମାର୍ଚ୍ଚ ମଧ୍ୟରେ ରିଲିଜ କରାଯିବ । ଯେଉଁଥିରେ ଶୋ’ର ୫ଟି ଏପିସୋଡ ପ୍ରସାରଣ କରାଯିବ ଏବଂ ଏହି ଶୋ’ର ଦ୍ୱିତୀୟ ଭାଗ ଅକ୍ଟୋବର ୨୦୧୯ରେ ରିଲିଜ କରାଯିବ, ଯେଉଁଥିରେ ୬ଟି ଏପିସୋଡ ଦେଖିବାକୁ ମିଳିବ ।
