ବଲିଉଡ ଅଭିନେତା ସୁନୀଲ ସେଟ୍ଟୀ ହଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ସୁନୀଲ ସେଟ୍ଟୀ ହଲିଉଡ ଫିଲ୍ମ ‘କଲ ସେଂଟର’ ପାଇଁ ସାଇନ କରିଛନ୍ତି । ସୁନୀଲ ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ । ଏହି ଫିଲ୍ମରେ ସେ ଜଣେ ପୁଲିସ ଅଫିସରଙ୍କ ଭୂମିକା ତୁଲାଇବେ । ଫିଲ୍ମ କଲ ସେଂଟର ରିଅଲ ଲାଇଫ ଘଟଣା ଉପରେ ଆଧାରିତ ।
ଏଠାରେ ଆମେ କହି ରଖୁଛୁ ଯେ ସୁନୀଲ ୨୦୦୭ରେ ଏକ ହଲିଉଡ ଫିଲ୍ମରେ କାମିଓ ଭୂମିକା ତୁଲାଇଥିଲେ । କିନ୍ତୁ ଏଥର ସେ ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ ।
ଫିଲ୍ମ ସହ ଜଡିତ ଏକ ଫଟୋ ମଧ୍ୟ ସୋସିଆଲ ମିଡିଆରେ ଦେଖିବାକୁ ମିଳିଛି । ଫିଲ୍ମରେ ସୁନୀଲ ସେଟ୍ଟୀ ପୁଲିସ ଭୂମିକାରେ ନଜର ଆସିବେ, ଯିଏ କି ଜଣେ ସର୍ଦ୍ଦାର ଅଟନ୍ତି । ମିଡିଆ ରିପୋର୍ଟ ମୂତାବକ ଫିଲ୍ମ କାହାଣୀ ଏକ ଭାରତୀୟ ପୁଲିସଙ୍କର ଅଟେ , ଯିଏ କଲ ସେଂଟରରେ କୋଟି କୋଟି ଟଙ୍କା ଠକେଇର ଖୁଲାସା କରିବେ ।
ଆମେରିକାନ-ଚାଇନିଜ ଫିଲ୍ମ ମେକର ଜୈଫରୀ ଚୀନ ଏହି ଫିଲ୍ମର ନିର୍ଦ୍ଦେଶନା ଭାର ତୁଲାଇଛନ୍ତି । ଖାସ କଥା ହେଉଛି ଫିଲ୍ମର ସୁଟିଂ ହାଇଦ୍ରାବାଦରେ ମଧ୍ୟ ହେବ ।
ଏଠାରେ ଆମେ କହି ରଖୁଛୁ ଯେ ସୁନୀଲ ସେଟ୍ଟୀ ବଲିଉଡ ଇଣ୍ଡଷ୍ଟ୍ରି ଠାରୁ ଖୁବ ଦୂରରେ । ସେ ଏହାପୂର୍ବରୁ ଏକ କନ୍ନଡ ଫିଲ୍ମରେ ଡେବ୍ୟୁ କରିଥିଲେ । ସେ କନ୍ନଡ ଫିଲ୍ମ ‘ପେହେଲବାନ’ରେ ନଜର ଆସିଥିଲେ ।
