୨୦୨୦ରେ ରିଲିଜ ହେବ ମୋହିତ ସୁରୀଙ୍କ ଏହି ଫିଲ୍ମ, ଭାଲେଣ୍ଟାଇନ ଡେ’ରେ ଧମାଲ ମଚାଇବା ପାଇଁ ପ୍ରସ୍ତୁତ ଆଦିତ୍ୟ-ଦିଶା
ଦୁଇ ବର୍ଷ ପୂର୍ବେ ରିଲିଜ ହୋଇଥିବା ଫିଲ୍ମ ‘ହାଫ ଗର୍ଲଫ୍ରେଣ୍ଡ’ ଜରିଆରେ ଧମାଲ ସୃଷ୍ଟି କରିବା ପରେ ନିର୍ଦ୍ଦେଶକ ମୋହିତ ସୁରୀ ଏବେ ନିଜର ଆଗାମୀ ଫିଲ୍ମର ପ୍ରସ୍ତୁତିରେ ଲାଗିପଡିଛନ୍ତି । କିଛି ଦିନବ ପୂର୍ବରୁ ଶୁଣିବାକୁ ମିଳୁଥିଲା ଯେ, ମୋହିତ ନିଜ ନୂଆ ଫିଲ୍ମରେ ଆଦିତ୍ୟ ରୟ କପୁର ଏବଂ ଦିଶା ପଟାନୀଙ୍କୁ କାଷ୍ଟ କରିବେ । ଏବେ ଏହି ଫିଲ୍ମ ବିଷୟରେ ଆନୁଷ୍ଠାନିକ ଭାବେ ଘୋଷଣା କରାଯାଇଛି ।
ଆଜ୍ଞା ହଁ, ଟ୍ରେଡ ଆନାଲିଷ୍ଟ ତରଣ ଆଦର୍ଶ ଟ୍ୱିଟ କରି ଏହି ଫିଲ୍ମ ବିଷୟରେ ସୂଚନା ଦେଇଛନ୍ତି । ଏହି ଫିଲ୍ମ ର ନାମ ‘ମଲଙ୍ଗ’ ରଖାଯାଇଛି । ଏବଂ ଫିଲ୍ମ ୨୦୨୦ରେ ଭାଲେଣ୍ଟାଇନ ଡେ ଅବସରରେ ରିଲିଜ ହେବ ।
IT’S OFFICIAL… Anil Kapoor, Aditya Roy Kapur, Disha Patani and Kunal Kemmu in #Malang… A revenge drama… Directed by Mohit Suri… Produced by Bhushan Kumar, Luv Ranjan, Ankur Garg and Jay Shewakramani… #ValentineDay 2020 release. pic.twitter.com/BrjilSyYWq
— taran adarsh (@taran_adarsh) March 4, 2019
ତରଣ ଟ୍ୱିଟ କରି ଏହା ମଧ୍ୟ ଲେଖିଛନ୍ତି ଯେ, ଏହା ଏକ ରିଭେଞ୍ଜ ଡ୍ରାମା ଫିଲ୍ମ । ଫିଲ୍ମରେ ଆଦିତ୍ୟ ରୟ କପୁର ଏବଂ ଦିଶାଙ୍କ ବ୍ୟତିତ ଅନୀଲ କପୁର, କୁନାଲ ଖେମୁ ମଧ୍ୟ ନଜର ଆସିବେ । ଏହି ଫିଲ୍ମକୁ ଭୂଷଣ କୁମାର, ଲଭ ରଂଜନ, ଅଙ୍କୁର ଗର୍ଗ ଏବଂ ୟଶ ଶେଖରମଣି ମିଳିତ ଭାବେ ପ୍ରଡ୍ୟୁସ କରିବେ ।
କହିରଖୁଛୁ ଯେ, ମୋହିତ ନିଜ କ୍ୟାରିଅରରେ ଅନେକ ହିଟ ଫିଲ୍ମ ବଲିଉଡକୁ ଦେଇଛନ୍ତି । ଏହି ଲିଷ୍ଟରେ ‘ଆୱାରାପନ’, ‘ମର୍ଡର’, ‘ଏକ ଭିଲେନ’ ଏବଂ ‘ଆଶିକି -୨’ ସାମିଲ ଅଛି । ତେବେ ମୋହିତଙ୍କ ଏହି ଫିଲ୍ମ ମଧ୍ୟ ଦର୍ଶକଙ୍କୁ ପସନ୍ଦ ଆସିବ ବୋଲି ଆଶା କରାଯାଉଛି ।