ନ୍ୟୁ ଇୟର ସେଲିବ୍ରେସନ ଆରମ୍ଭ, ପରିବାର ସହିତ ହଲିଡେ’ରେ ବଲିଉଡ ସେଲିବ୍ରିଟି ।
ବଲିଉଡ ଷ୍ଟାରର୍ସ ଏବେ ଖ୍ରୀଷ୍ଟମାସ ପରେ ନ୍ୟୁ ଇୟର ସେଲିବ୍ରେସନ ପ୍ଲାନିଂରେ ବ୍ୟସ୍ତ ଅଛନ୍ତି । ନୂଆ ବର୍ଷ ପାଳନ କରିବା ପାଇଁ ଅନେକ ଷ୍ଟାରର୍ସ ଏବେ ବିଦେଶରେ ହଲିଡେ ମନାଉଛନ୍ତି । ଏହା ସହିତ ଷ୍ଟାରମାନେ ନିଜ ହଲିଡେ ସେଲିବ୍ରେସନର କିଛି ଫଟୋ ସୋସିଆଲ ମିଡିଆରେ ସେୟାର କରୁôଛବାର ଦେଖିବାକୁ ମିଳିଛି । ଅଭିନେତା ଅଜୟ ଦେବଗନ ଫ୍ୟାମିଲି ସହିତ ଥାଇଲ୍ୟାଣ୍ଟରେ ଛୁଟି କଟାଉଛନ୍ତି । ଅଜୟ ସୋସିଆଲ ମିଡିଆରେ ଏକ ଫଟୋ ସେୟାର କରିଛନ୍ତି ଯେଉଁଥିରେ ସେ ପୁରା ପରିବାର ସହିତ ପୁଲରେ ଏନଜୟ କରୁଥିବାର ଦେଖିବାକୁ ମିଳିଛି ।
ସେହିପରି ଅଭିନେତ୍ରୀ ଶିଳ୍ପା ସେଟ୍ଟୀ ଲଣ୍ଡନରେ ଛୁଟି କଟାଉଛନ୍ତି । ଶିଳ୍ପା ନିଜର ଏବଂ ତାଙ୍କ ପରିବାରର ଅନେକ ଫଟୋ ସୋସିଆଲ ମିଡିଆରେ ସେୟାର କରିଥିବା ଦେଖିବାକୁ ମିଳୁଛି । କରୀନା କପୁର ଏବେ ପୁଅ ତୈମୁର ଏବଂ ପତି ସୈଫ ଅଲ୍ଲୀ ଖାନଙ୍କ ସହିତ ଲଣ୍ଡନରେ ଛୁଟି କଟାଉଛନ୍ତି ।
ଅଭିନେତ୍ରୀ ପରିଣୀତି ଚୋପ୍ରା ମଧ୍ୟ ଲଣ୍ଡନରେ ଛୁଟି କଟାଉଛନ୍ତି । ପରିଣୀତି ଏବେ ନିଜର ଆଗାମୀ ଫିଲ୍ମ କେଶରୀର ପ୍ରସ୍ତୁତିରେ ବ୍ୟସ୍ତ ଅଛନ୍ତି । ଏହି ଫିଲ୍ମରେ ସେ ଅକ୍ଷୟ କୁମାରଙ୍କ ସହିତ ନଜର ଆସିବେ ।