ଜିଏସଟି କାଉଂସିଲ ନେଲେ ଏହି ପଦକ୍ଷେପ, ଅକ୍ଷୟ କହଲେ ଖୁସିରେ ଆଖି ଭରିଗଲା ।
ବଲିଉଡ ଅଭିନେତା ଅକ୍ଷୟ କୁମାରଙ୍କ ବହୁ ଚର୍ଚ୍ଚିତ ଫିଲ୍ମ ‘ପ୍ୟାଡମ୍ୟାନ’ ଚଳିତ ବର୍ଷ ଜାନୁଆରୀରେ ରିଲିଜ ହୋଇଥିଲା । ଏହି ଫିଲ୍ମ ମହିଳାଙ୍କ ପିରିୟଡସ ସମୟର ସ୍ୱଚ୍ଛତା ଉପରେ ଆଧାରିତ । ଏହାପରେ ଅକ୍ଷୟଙ୍କ ସହିତ ଅନେକ ବିଶିଷ୍ଟ ବ୍ୟକ୍ତି ସ୍ୟାନିଟାରି ପ୍ୟାଡସ ଉପରେ ଟିକସ ଛାଡ କରିବା ପାଇଁ ଦାବି କରିଥିଲେ । ବର୍ତ୍ତମାନ ସରକାର ଏହାକୁ ନେଇ ଏକ ବଡ ପଦକ୍ଷେପ ନେଇଛନ୍ତି । ସରକାର ସ୍ୟାନିଟାରି ପ୍ୟାଡସକୁ ଜିଏସଟି ମୁକ୍ତ କରିଛନ୍ତି ।
ସରକାରଙ୍କ ଏହି ନଷ୍ପତିରେ ଅକ୍ଷୟ ଖୁସି ଜାହିର କରି ଏକ ଟ୍ୱିଟ କରିଛନ୍ତି । ଟ୍ୱିଟ କରି ଅକ୍ଷୟ ଲେଖଥିଲେ ‘ଏହି ଖବର ଆଖିରେ ଖୁସିର ଲୁହ ଆଣିଦେଲା । ପିରିୟଡସ ସମୟର ସ୍ୱଚ୍ଛତା ଏବଂ ଆବଶ୍ୟକତାକୁ ବୁଝି ସ୍ୟାନିଟାରି ପ୍ୟାଡକୁ ଟିକସ ମୁକ୍ତ କରିଥିବାରୁ ଧନ୍ୟବାଦ । ମୋର ବିଶ୍ୱାସ ଆମ ଦେଶର କୋଟି କୋଟି ମହିଳା ଚୁପ ରହି ମଧ୍ୟ ଆପଣଙ୍କୁ ଧନ୍ୟବାଦ ଜଣାଉଥିବେ ।’
One of those days when a news brings tears of joy as a cause close to ur heart gets fulfilled.Thank you, #GSTCouncil,for understanding the need for menstrual hygiene & exempting sanitary pads from tax. I’m sure crores of women in our country are silently sending gratitude ur way
— Akshay Kumar (@akshaykumar) July 21, 2018
ଏହି ନିଷ୍ପତି ଅନୁସାରେ ପୂର୍ବରୁ ସ୍ୟାନିଟାରି ପ୍ୟାଡ ଉପରେ ଲାଗୁଥିବା ୧୨ ପ୍ରତିଶତ ଜିଏସଟି କୁ ହଟାଇ ଦିଆଯାଇ ଶୂନ ପ୍ରତିଶତ କରାଯାଇଛି । ଫିଲ୍ମ ବିଷୟରେ କହିବାକୁ ଗଲେ ଅକ୍ଷୟ ଏବେ ନିଜର ଆଗାମୀ ଫିଲ୍ମ ‘ଗୋଲ୍ଡ’ର ପ୍ରମୋଶନରେ ବ୍ୟସ୍ତ ରହିବେ । ଫିଲ୍ମର କାହଣୀ ହକି ପ୍ଲେୟାର ହଲବୀର ସିଂଙ୍କ ଉପରେ ଆଧାରିତ । ଫିଲ୍ମରେ ଅ୭ୟଙ୍କ ସହିତ ମୌନି ରୟ ନଜର ଆସିବେ ।
