ଅଭିନେତା ଅକ୍ଷୟ କୁମାରଙ୍କ ଫିଲ୍ମ କେଶରୀର ଗୀତ ‘ତେରି ମିଟ୍ଟୀ’ ୟୁଟ୍ୟୁବରେ ୧୦ କୋଟି ଅର୍ଥାତ ୧୦୦ ମିଲିଅନରୁ ଅଧିକ ଭ୍ୟୁଜ ପାଇ ସାରିଛି । ୧୦୦ ମିଲିଅନ ଭ୍ୟୁ ପାର ଦେବା ଖୁସିରେ ଗୀତର ଗାୟକ ବି ପ୍ରାକ ଏବଂ ସଙ୍ଗୀତସକାର ଅରକୋ ପ୍ରାବୋ ମୁଖର୍ଜୀ ସୋସିଆଲ ମିଡିଆରେ ନିଜ ଖୁସିକୁ ପ୍ରକାଶ କରିଛନ୍ତି ।
ବି ପ୍ରାକ ଟ୍ୱିଟ କରି ଲେଖିଛନ୍ତି, ‘ମୋର ପ୍ରଥମ ବଲିଉଡ ଗୀତ ୧୦୦ ମିଲିଅନ ଅର୍ତାତ ୧୦ କୋଟି ଭ୍ୟୁ ପାର କରିଛି । ‘ତେରି ମିଟ୍ଟୀ’ । ମୋତେ ଏବଂ ମୋ ଟିମକୁ ଏତେ ମାତ୍ରାରେ ଭଲପାଇବା ଏବଂ ସମ୍ମାନ ଦେଇଥିବାରୁ ସମସ୍ତଙ୍କୁ ଧନ୍ୟବାଦ । ଅନ୍ୟପକ୍ଷରେ ଅରକୋ ଏହାକୁ ଗର୍ବର ମୁହୂର୍ତ୍ତ ବୋଲି କହିଛନ୍ତି । ଟ୍ୱିଟ କରି ସେ ଲେଖିଛନ୍ତି, ‘ଏହି ଗୀତ ଆମ କ୍ୟାରିଅର ପାଇଁ ଏକ ଲ୍ୟାଣ୍ଡମାର୍କ । ଏବଂ ଆପଣ ଦେଇଥିବା ଏତେ ଭଲପାଇବା ପାଇଁ ଯେତେ ବି ଧନ୍ୟବାଦ ଦେବୁ ତାହା କମ ହେବ ।’
ଆଇଏଏନଏସ ସହିତ ଆଲୋଚନା କରି ଅରକୋ କହିଛନ୍ତି, ‘ଏହା ପୂର୍ବରୁ ମୁଁ ଏଭଳି କୌଣସି ସଙ୍ଗ କମ୍ପୋବଜ କରି ନାହିଁ । ଦେଶଭକ୍ତି ସହ ଜଡିତ ଏହା ଆମର ପ୍ରଥମ ଗୀତ ଥିଲା । ମୁଁ ଖୁସି ଯେ ଆମ ବୀର ଜବାନ ମାନଙ୍କୁ ଶ୍ରଦ୍ଧାଞ୍ଜଳୀ ଦେବା ପାଇଁ ମୋତେ ସୁଯୋଗ ମିଳିଲା ।’ ଏହା ସହିତ ସେ କହିଛନ୍ତି, ‘ସଠିକ ଭାବେ ଗୀତକୁ କମ୍ପୋଜ କରିବା ପାଇଁ ଆମକୁ ଫିଲ୍ମର ଫୁଟେଜ ଦେଖିଥିଲୁ । ଏପରି ନୁହେଁ ଯେ ଗୀତରେ ସମସ୍ତ ଭାବନା ଆସିଗଲା । ଏଥିପାଇଁ ଆମେ ଫିଲ୍ମକୁ ନେଇ ଅନେକ ଅଧ୍ୟୟନ କରିଥିଲୁ ।’
