ଆଲିଆ ଭଟ୍ଟ ଆରମ୍ଭ କଲେ ‘ସଡକ ୨’ର ସୁଟିଂ, ଫଟୋ ସେୟାର କରି କହିଲେ ନିଜ ମନ କଥା
୧୯୯୧ରେ ରିଲିଜ ହୋଇଥିବା ସୁପରହିଟ ଫିଲ୍ମ ‘ସଡକ’ର ରିମେକ ‘ସଡକ ୨’କୁ ନେଇ ଏବେ ଖୁବ ଚର୍ଚ୍ଚା । କିଛି ଦିନରୁ ଫିଲ୍ମ ‘ସଡକ ୨’କୁ ନେଇ କୌଣସି ନା କୌଣସି ଖବର ସାମ୍ନାକୁ ଆସୁଛି । ଏହି ଫିଲ୍ମରେ ଆଲିଆ ଭଟ୍ଟ ଏବଂ ଆଦିତ୍ୟ ରୟ କପୁର ରୋମାନ୍ସ କରୁଥିବାର ନଜର ଆସିବେ । ଫିଲ୍ମରେ ଏହି ଦୁଇ କଳକାରଙ୍କ ବ୍ୟତିତ ଫିଲ୍ମର ଓରିଜିନାଲ ଲିଡ କଳାକାର ସଂଜୟ ଦତ୍ତ ଏବଂ ପୂଜା ଭଟ୍ଟ ମଧ୍ୟ ନଜର ଆସିବେ । ଏହି ଫିଲ୍ମ ଆଲିଆଙ୍କ କ୍ୟାରିଅରର ସବୁଠାରୁ ବଡ ଫିଲ୍ମ ହେବାକୁ ଯାଉଛି କାରଣ ଏହି ଫିଲ୍ମ ଜରିଆରେ ସେ ନିଜ ପିତା ମହେଶ ଭଟ୍ଟ ଏବଂ ଭଉଣୀ ପୂଜା ଭଟ୍ଟଙ୍କ ସହିତ ପ୍ରଥମଥର ପାଇଁ କାମ କରିବେ ।
ଆଲିଆ ଭଟ୍ଟ ଶନିବାର ସଂଧ୍ୟାରେ ସଡକ ୨ର ସେଟରୁ ନିଆ ଯାଇଥିବା ଏକ ଫଟୋ ଇଂଷ୍ଟାଗ୍ରାମରେ ସେୟାର କରିଥିଲେ । ଅସଲରେ ଶନିବାର ଫିଲ୍ମ ସଡକ ୨ର ସୁଟିଂ ଆରମ୍ଭ ହୋଇଛି । ଆଲିଆ ଫିଲ୍ମର ସେଟରୁ ଫଟୋ ସେୟାର କରି କ୍ୟାପସନରେ ହୃଦୟକୁ ଛୁଇଲା ପରି କଥା ଲେଖିଥିଲେ ।
ଆଲିଆ ଲେଖିଥିଲେ, ‘ଆଜି ସଡକ ୨ର ପ୍ରଥମ ଦିନ । ଏବଂ ଏ ହେଉଛନ୍ତି ଯେ ପାପା ଯେ ଏହି ଫିଲ୍ମର ନିର୍ଦ୍ଦେଶକ ଏବଂ ସେ ହିଁ ଏହି କ୍ଲାପକୁ ଧରିଛନ୍ତି । ଏହା ସହିତ ଆଲିଆ ଆହୁରି ମଧ୍ୟ ଲେଖିଛନ୍ତି, କିଛି ଦିନରେ ମୁଁ ଫିଲ୍ମର ସୁଟିଂ ଆରମ୍ଭ କରିଦେବି । ସତ କହିବାକୁ ଗଲେ ମୋତେ ଖୁବ ଡର ଲାଗୁଛି । ଏପରି ଅନୁଭବ ହେନଉଛି ଯେ ମୁଁ ଏକ ଛୋଟ ମୂଷା ଯେ ଏକ ସୁନ୍ଦର ଏବଂ ଇମେସନରେ ଭରପୂର ପାହାଡକୁ ଡେଇଁବାକୁ ଚେଷ୍ଟା କରୁଛି ।’
ଏହି ଫିଲ୍ମ ଚଳିତ ବର୍ଷ ୧୫ ନଭେମ୍ବରରେ ରିଲିଜ ହେବ । ଆଶା କରାଯାଉଛି ଫିଲ୍ମକୁ ଦର୍ଶକ ଖୁବ ପସନ୍ଦ ଆସିବ ।