ସଲମାନଙ୍କ ପାଇଁ ଆମୀରଙ୍କ ଫିଲ୍ମ ଛାଡିଥିଲେ ଆଲିଆ, ଏବେ ନା ହାତରେ ଅଛି ସଲମାନଙ୍କ ଫିଲ୍ମ ନା ଆମୀରଙ୍କ…
ଦୀର୍ଘ ଦିନ ପରେ ସଞ୍ଜୟ ଲୀଲା ଭଂସାଲୀ ସଲମାନଙ୍କ ସହିତ ପୁଣିଥରେ ‘ଇନସାଆଲ୍ଲାହ୍’ ନାମରେ ଏକ ଫିଲ୍ମ କରିବାକୁ ଯାଉଥିଲେ । ଏହି ଫିଲ୍ମରେ ସଲମାନଙ୍କ ବିପଷରେ ପ୍ରଥମଥର ପାଇଁ ଆଲିଆ ଭଟ୍ଟଙ୍କୁ ଦେଖିବାକୁ ମିଳିଥାନ୍ତା ଓ ଏହି ଫିଲ୍ମ ଆଗାମୀ ସେପ୍ଟେମ୍ବରରେ ରିଲିଜ୍ ମଧ୍ୟ ହୋଇଥାନ୍ତା। କିନ୍ତୁ କିଛି କାରଣ ବଶତଃ ଏହି ସିନେମା ଏବେ ନିର୍ମାଣ ହେବ କି ନାହିଁ ତାହା ଏବେ ସନ୍ଦେହ ଭିତରେ ଅଛି ।
ସଲମାନ ଖାନ ନିଜ ଟ୍ୱିଟର ଆକାଉଣ୍ଟରେ ଘୋଷଣା କରିଛନ୍ତି କି, ଏହି ଫିଲ୍ମ କିଛି ମାତ୍ରାରେ ଆଗକୁ ବଢିଛି । କିନ୍ତୁ ଭସାଂଲୀଙ୍କ ପ୍ରଡକ୍ସନ ହାଉସ୍ ସ୍ପଷ୍ଟ କରିଛି କି, ଏହି ଫିଲ୍ମକୁ ଏବେ ପର୍ଯ୍ୟନ୍ତ ସ୍ଥଗିତ ରଖାଯାଇଛି । ଭସାଂଲୀଙ୍କ ଏହି ଫିଲ୍ମ ସ୍ଥଗିତ ରହିବା ପରେ ସଲମାନ ନିଜର ଅନ୍ୟ ଫିଲ୍ମରେ ବ୍ୟସ୍ତ ଅଛନ୍ତି । କିନ୍ତୁ ଏଥିରେ ସବୁଠାରୁ ଅଧିକ କ୍ଷତି ସହିବାକୁ ପଡିଛି ଆଲିଆଙ୍କୁ । କାରଣ ଆଲିଆ ଭଟ୍ଟଙ୍କୁ କିଛି ଦିନ ହେବ ଅନେକ ଫିଲ୍ମର ଅଫର ହୋଇଥିଲା ସେ କିନ୍ତୁ ଭସଂଲୀ ଓ ସଲମାନଙ୍କ ସହ ଫିଲ୍ମ କରିବେ ବୋଲି ଏହି ସବୁ ଫିଲ୍ମକୁ ପ୍ରତ୍ୟାଖ୍ୟାନ କରିଥିଲେ ।
ଏହିସବୁ ଫିଲ୍ମ ଭିତରେ ଥିଲା ଆମୀର ଖାନଙ୍କ ଏକ ଫିଲ୍ମ । ଏହାକୁ ନେଇ ଆଲିଆ ଏବେ ବହୁତ ବ୍ୟସ୍ତ ଅଛନ୍ତି । କାରଣ ତାଙ୍କ ପାଇଁ ସଲମାନଙ୍କ ସହ କାମ କରିବା ଯେତିକି ଗୁରୁତ୍ୱପୂର୍ଣ୍ଣ ଥିଲା, ଆମୀର ଖାନଙ୍କ ସହିତ କାମ କରିବା ମଧ୍ୟ ସେତିକି ଗୁରୁତ୍ୱପୂର୍ଣ୍ଣ ଥିଲା । କିନ୍ତୁ ଭସାଂଲୀଙ୍କ ପାଇଁ ଆଲିଆ ଏହି ସୁଯୋଗକୁ ହାତଛଡା କରିଥିଲେ। ଏବେ ଆଲିଆଙ୍କ ହାତରେ ନାଁ ଅଛି ସଲମାନଙ୍କ ଫିଲ୍ମ ନା ଆମୀରଙ୍କ ଫିଲ୍ମ । ଏହା ସହିତ ଭସାଂଲୀଙ୍କ ସହିତ କାମ କରିବାର ଆଲିଆଙ୍କର ଯେଉଁ ସ୍ୱପ୍ନ ଥିଲା ତାହା ମଧ୍ୟ ପୂରଣ ହୋଇ ପାରିଲା ନାହିଁ ।
କହିରଖୁଛୁ ଯେ, ଦୀର୍ଘ ୨୦ ବର୍ଷ ପରେ ସଲମାନ ଓ ଭସାଂଲୀଙ୍କୁ ଫିଲ୍ମ ‘ଇନସାଆଲ୍ଲାହା’ ମାଧ୍ୟମରେ ପୁଣି ଥରେ ଏକାଠି ଦେଖିବାକୁ ମିଳିଥାନ୍ତା । ଏହି ଯୋଡିଙ୍କୁ ୧୯୯୯ ରିଲିଜ୍ ହୋଇଥିବା ଫିଲ୍ମ ‘ହମ ଦିଲ୍ ଦେ ଚୁକେ ସନମ୍’ରେ ଏକାଠି ଦେଖିବାକୁ ମିଳିଥିଲା । ଏହି ଫିଲ୍ମଟି ସେତବେଳେ ସବୁଠାରୁ ବଡ ବ୍ଲକବଷ୍ଟର ଫିଲ୍ମ ଥିଲା ।