ପ୍ରଥମଥର ପାଇଁ ଅମିତାଭ ବଚ୍ଚନଙ୍କ ସହିତ ଏହି ଫିଲ୍ମରେ ସ୍କ୍ରିନ ସେୟାର କରିବେ ଆୟୁଷ୍ମାନ ଖୁରାନା
ପ୍ରଥମ ଥର ବିଗ୍ ବି ଅମିତାଭ ବଚ୍ଚନଙ୍କ ସହ ସ୍କ୍ରିନ୍ ସେୟାର୍ କରିବାକୁ ଯାଉଛନ୍ତି ଅଭିନେତା ଆୟୁଷ୍ମାନ୍ ଖୁରାନା । ଫିଲ୍ମ ମେକର୍ ସୁଜିତ୍ ସିରକାରଙ୍କ ଆଗାମୀ ଫିଲ୍ମରେ ଏହି ଦୁଇ ଷ୍ଟାର୍ ଏକାଠି ଆସିବେ ନଜର । ଏହି ସିନେମାର କାହାଣୀ ଲେଖିଛନ୍ତି ଜୁହି । ଯିଏ କି ସୁଜିତ୍ ସିରକାରଙ୍କ ଫିଲ୍ମ ‘ଅକ୍ଟୋବର’ର କାହାଣୀ ଲେଖିଥିଲେ । ଆଉ ଏବେ ‘ଗୁଲାବୋ ସିତାବୋ’ର ସ୍କ୍ରିପ୍ଟିଂ ରେ ବ୍ୟସ୍ତ ଅଛନ୍ତି ସୁଜିତ୍ ଓ ଜୁହି । ଖବର ଅନୁସାରେ ଏହି ଫିଲ୍ମରେ ଅମିତାଭ ବଚ୍ଚନ ଏବଂ ଆୟୁଷ୍ମାନ ଖୁରାନା ଏକା ସହିତ ନଜର ଆସିବେ । ତେବେ ଦୁହେଁ କେଉଁ ଭଳି ଭୂମିକାରେ ନଜର ଆସିବେ ତାହାର ଖୁଲାସା ଏପର୍ଯ୍ୟନ୍ତ ହୋଇନାହିଁ । ଫିଲ୍ମର ସୁଟିଂ ଖୁବଶୀଘ୍ର ଆରମ୍ଭ ହେବାକୁ ଥିବାବେଳେ, ଚଳିତ ବର୍ଷ ନଭେମ୍ବର ମାସରେ ସିନେମାଟି ପରଦାକୁ ଆସିବ ।
ୱାର୍କଫ୍ରଣ୍ଟ ବିଷୟରେ କହିବାକୁ ଗଲେ , ଅମିତାଭ ବଚ୍ଚନ ଖୁବ ଶୀଘ୍ର ବ୍ରହ୍ମାସ୍ତ୍ରରେ ନଜର ଆସିବେ । ଏହି ଫିଲ୍ମରେ ତାଙ୍କ ସହିତ ରଣବିର କପୁର ଏବଂ ଆଲିଆ ଭଟ୍ଟ ନଜର ଆସିବେ । ସେହିପରି ଆୟୁଷ୍ମାନ ଖୁରାନାଙ୍କ ଫିଲ୍ମ ବିଷୟରେ କହିବାକୁ ଗଲେ ସେ ଖୁବ ଶୀଘ୍ର ଡ୍ରୀମ ଗର୍ଲ ରେ ନଜର ଆସିବେ ।