ବଲିଉଡ ଅଭିନେତା ଅମିତାଭ ବଚ୍ଚନଙ୍କୁ ଖୁବଶୀଘ୍ର ଦାଦା ସାହେବ ଫାଲକେ ସମ୍ମାନରେ ସମ୍ମାନୀତ କରାଯିବ । ମେଗାଷ୍ଟାର ଅମିତାଭ ବଚ୍ଚନଙ୍କ ଜୀବନରେ ଅନେକ ଗୁଡିଏ ଭଲ ଏବଂ ଖରାପ ପରିସ୍ଥିତି ଆସିଛି । ୧୯୮୨ରେ ଫିଲ୍ମ କୁଲି ସେଟରେ ଫାଇଟ ସିନ ସମୟରେ ଅମିତାଭ ବଚ୍ଚନ ଗମ୍ଭୀର ଭାବେ ଆହତ ହୋଇଥିଲେ । ଏପରି କି ସେ ଜୀବନ ଏବଂ ମୃତ୍ୟୁ ସହିତ ସଂଗ୍ରାମ କରିଥିଲେ । ସେହି ସମୟରେ ତାଙ୍କ ଫ୍ୟାନ୍ସ ଏବଂ ପୂରା ଦେଶ ବାସୀ ତାଙ୍କ ପାଇଁ ପ୍ରାର୍ଥନା କରିଥିଲେ ।
ଏହାପରେ ଧିରେ ଧିରେ ସେ ସୁସ୍ଥ ହୋଇଥିଲେ । ଏହାକୁ ଅମିତାଭ ବଚ୍ଚନଙ୍କ ରିବର୍ଥ ବୋଲି ମଧ୍ୟ କୁହାଯାଏ । ଠିକ ହୋଇ ଅମିତାଭ ଘରକୁ ଫେରିବା ପରେ ଅମିତାଭ ବଚ୍ଚନଙ୍କ ପିତା ହରିବଂଶ ରାୟ ବଚ୍ଚନ ତାଙ୍କୁ ଦେଖି ଭାବୁକ ହୋଇପଡିଥିଲେ । ସେଠାରେ ଉପସ୍ଥିତ ଥିବା ସମସ୍ତ ବ୍ୟକ୍ତିଙ୍କ ଆଖିରେ ଲୁହ ଆସିଯାଇଥିଲା । ଏବେ ନିକଟରେ ସେହି ସମୟରେ ଏକ ଭିଡିଓ ଖୁବ ଭାଇରାଲ ହେବାରେ ଲାଗିଛି ।
@SrBachchan 2nd August Amitabh Bachchan’s Re Birthday
I love you My Hero #AmitabhBachchan pic.twitter.com/tjIGQXzPk9— Moses Sapir (@MosesSapir) August 2, 2019
ଅମିତାଭ ବଚ୍ଚନଙ୍କ ଜଣେ ଫ୍ୟାନ ଏହି ଭିଡିଓକୁ ସେୟାର କରିଛନ୍ତି । ଭିଡିଓ ଏବେ ଇଣ୍ଟରନେଟରେ ଖୁବ ଭାଇରାଲ ହେଉଛି । ଭିଡିଓରେ ଦେଖିବାକୁ ମିଳିଛି ଯେ ଅମିତାଭ ସୁସ୍ଥ ହୋଇ ଘରକୁ ପେରିବା ପରେ ତାଙ୍କ ପିତାଙ୍କ ପାଦ ଛୁଇଁ ପ୍ରଣାମ କରୁଛନ୍ତି । ଏହା ପରେ ତାଙ୍କ ପିତା କୋହ ସମ୍ଭାଳି ନପାରି ତାଙ୍କୁ ଆଲିଙ୍ଗନ କରୁଛନ୍ତି । ଏହା ସହିତେ ସେଠାରେ ଉପସ୍ଥିତ ସମସ୍ତ ଲୋକେ ତାଙ୍କୁ ଭାବୁକ ହୋଇ ସ୍ୱାଗତ କରୁଥିବାର ଦେଖିବାକୁ ମିଳିଛି ।
