ମଲାଇକା ଓ ଅର୍ଜୁନଙ୍କ ସଂପର୍କକୁ ନେଇ ଏହି କଥା କହିଲେ ଅନିଲ କପୁର ।
ମଲାଇକା ଏବଂ ଅର୍ଜୁନ ନିଜ ଅଫେୟରକୁ ନେଇ ବେଶ ଚର୍ଚ୍ଚାରେ ଅଛନ୍ତି । ଆସନ୍ତା ବର୍ଷ ଏହି ଯୋଡ଼ି ବିବାହ କରିବେ ବୋଲି ମଧ୍ୟ ଶୁଣିବାକୁ ମିଳୁଛି । ତେବେ ଉଭୟ ଆକ୍ଟରଙ୍କ ତରଫରୁ ଏପର୍ଯ୍ୟନ୍ତ କୌଣସି ଆନୁଷ୍ଠାନିକ ଘୋଷଣା ହୋଇନାହିଁ । ତେବେ ନିକଟରେ ଅନିଲ କପୁର ଏହି ଘଟଣାକୁ ନେଇ ନିଜ ମତ ରଖିଛନ୍ତି ।
ଉଭୟଙ୍କ ମଧ୍ୟରେ ବୟସର ପାର୍ଥକ୍ୟ ଅଧିକ ଥିବା ବେଳେ ଏହାକୁ ପରିବାର ଲୋକେ କିପରି ଗ୍ରହଣ କରୁଛନ୍ତି ତାହା ସାମ୍ନାକୁ ଆସିଛି । ଉଭୟଙ୍କ ମଧ୍ୟରେ ଥିବା ସଂପର୍କକୁ ନେଇ ଅର୍ଜୁନଙ୍କ ଦାଦା ଅନୀଲ କପୁରଙ୍କୁ ପଚରାଯାଇଥିବା ବେଳେ ସେ ନିଜର ପ୍ରତିକ୍ରିୟା ରଖିଥିଲେ ।
ସେ କହିଥିଲେ, “ମୁଁ ମୋ ପୁତୁରାକୁ ଭଲ ଭାବରେ ଜାଣିଛି । ମୋ ପୁତୁରା ଖୁସି ହେଲେ ମୁଁ ମଧ୍ୟ ଖୁସି ହେବି । ମୁଁ ଅର୍ଜୁନର ବ୍ୟକ୍ତିଗତ ଜୀବନରେ ହସ୍ତକ୍ଷେପ କରିବାକୁ ଚାହୁଁ ନାହିଁ । କିନ୍ତୁ ସେ ଯଦି ତା’ ନିଷ୍ପତ୍ତିିକୁ ନେଇ ଖୁସି,ତେବେ ମୁଁ ବି ଖୁସି ହେବି।”