ନବରାତ୍ରୀରେ ‘ଲକ୍ଷ୍ମୀ ବମ’ର ଜବରଦସ୍ତ ପୋଷ୍ଟର ରିଲିଜ, ଲକ୍ଷ୍ମୀ ଭାବେ ନଜର ଆସିଲେ ଖିଲାଡୀ କୁମାର
ବଲିଉଡ ସୁପରଷ୍ଟାର ଅକ୍ଷୟ କୁମାର ଗୋଟିଏ ପରେ ଗୋଟିଏ ବକ୍ସ ଅଫିସ ଧମାକା କରିବା ପାଇଁ ପ୍ରସ୍ତୁତ । ଅଭିନେତା ଅକ୍ଷୟ କୁମାର ଏକା ସହିତ ଅନେକ ଫିଲ୍ମରେ କାମ କରୁଛନ୍ତି । ଏହି ସମସ୍ତ ଫିଲ୍ମ ମଧ୍ୟରେ ଅକ୍ଷୟ କୁମାର ଲକ୍ଷ୍ମୀ ବମରେ ମଧ୍ୟ ନଜର ଆସିବେ । କିଛି ଦିନ ପର୍ବେ ଫିଲ୍ମର ପ୍ରଥମ ଲୁକ ସାମ୍ନାକୁ ଆସିଥିବା । ଏବେ ଫିଲ୍ମର ଆଉ ଏକ ନୂଆ ପୋଷ୍ଟର ସାମ୍ନାକୁ ଆସିଛି ।
ଫିଲ୍ମର ଏହି ନୂଆ ପୋଷ୍ଟରରେ ଅକ୍ଷୟ କୁମାର ଲାଲା ସାଢୀ ପିନ୍ଧି ଦୁର୍ଗା ମା’ଙ୍କ ସାମ୍ନାରେ ଠିଆ ହୋଇଥିବାର ନଜର ଆସିଛନ୍ତି । ଅକ୍ଷୟଙ୍କ ଏହି ଲୁକ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଅଭିନେତା ଖୋଦ ନିଜ ଟ୍ୱିଟର ହ୍ୟାଣ୍ଡେଲରେ ଏହି ପୋଷ୍ଟରକୁ ସେୟାର କରିଛନ୍ତି ।
Navratri is about bowing to the inner goddess and celebrating your limitless strength.On this auspicious occasion,I am sharing with you my look as Laxmmi.A character I am both excited and nervous about… but then life begins at the end of our comfort zone…isn’t it? #LaxmmiBomb pic.twitter.com/TmL9U1OXdk
— Akshay Kumar (@akshaykumar) October 3, 2019
ଫିଲ୍ମ ବିଷୟରେ କହିବାକୁ ଗଲେ ଏହା ଏକ ହରର କମେଡି ଫିଲ୍ମ । ସାଉଥ ଫିଲ୍ମ ‘କାଞ୍ଚନା’ର ଏହା ହିନ୍ଦୀ ରିମେକ । ଫିଲ୍ମରେ ଅକ୍ଷୟ କୁମାରଙ୍କ ସହିତ କିଆରା ଆଡଭାନୀ ନଜର ଆସିବେ । ଫିଲ୍ମରେ ଅକ୍ଷୟଙ୍କୁ ଜଣେ ଟ୍ରାନ୍ସଜେଣ୍ଡର ଭୁତ ଭୂମିକାରେ ଦେଖିବାକୁ ମିଳିବ । ରାଘବ ଲରେନ୍ସଙ୍କ ନିର୍ଦ୍ଦେଶନାରେ ନିର୍ମିତ ଏହି ଫିଲ୍ମ ଜୁନ ୨୦୨୦ରେ ରିଲିଜ ହେବ ।