ଟ୍ୱିଟର ଛାଡିଲେ ଅନୁରାଗ କଶ୍ୟପ, କହିଲେ ପରିବାରକୁ ପ୍ରତିଦିନ ଆସୁଛି ଧମକ
ସୋସିଆଲ ମିଡିଆରେ ବିଭିନ୍ନ ପ୍ରସଙ୍ଗକୁ ନେଇ ନିଜର ମତ ରଖିଥବା ଏବଂ ପ୍ରଶ୍ନ କରୁଥିବା ନିର୍ଦ୍ଦେଶକ ଅନୁରାଗ କଶ୍ୟପ ନିଜର ଟ୍ୱିଟର ଆକାଉଣ୍ଟକୁ ଡିଲିଟ କରିଛନ୍ତି । ସେ କହିଛନ୍ତି ଯେ, ସୋସିଆଲ ମିଡିଆରେ ମା-ବାପା ଏବଂ ଝିଅକୁ ମିଳୁଥିବା ଧମକ ପାଇଁ ସେ ଖୁବ ଚିନ୍ତିତ । ଏବଂ ସୋସିଆଲ ମିଡିଆରେ ତାଙ୍କୁ କିଛି କହିବାର ଅଧିକାର ନାହିଁ । ଏହାକୁ ନେଇ ସେ ନିରାସ ବ୍ୟକ୍ତ କରିବା ସହିତ ଟ୍ୱିଟର ଆକାଉଣ୍ଟକୁ ଡିଲିଟ କରିଛନ୍ତି ।
ଟ୍ୱିଟର ଛାଡିବା ପୂର୍ବରୁ ଅନୁରାଗ ଦୁଇଟି ଟ୍ୱିଟ କରିଥିଲେ । ଟ୍ୱିଟ କରି ସେ ଲେଖିଥିଲେ ଯେ, ‘ଯେବେ ଆପଣଙ୍କ ପିତା ମାତା ଏବଂ ଝିଅକୁ ଅନଲାଇନ ଧମକ ଆସିବା ଆରମ୍ଭ ହୁଏ ତେବେ କେହି ଚାହିଁବେ ନାହିଁ ଆପମ କିଛି କୁହନ୍ତୁ । ସେତେବେଳେ ଏହାର କିଛି ଅର୍ଥ ରହିନଥାଏ । ଗୁଣ୍ଡାମାନେ ଏହିଭଳି ଭାବେ ରାଜ୍ କରିବେ ଏବଂ ଗୁଣ୍ଡାଗିରି ଜୀବନର ନୂଆ ଉପାୟ ହୋଇଯିବ । ନୂଆ ଭାରତ ପାଇଁ ସମସ୍ତଙ୍କୁ ଶୁଭେଚ୍ଛା । ଏହା ମୋର ଅନ୍ତିମ ଟ୍ୱିଟ ହେବ କାରଣ ମୁଁ ଟ୍ୱିଟର ଛାଡୁଛି । ଯଦି ମୁଁ ବିନା କୌଣସି ଭୟରେ ନିଜ କଥା ରଖିପାରିବି ନାହିଁ ତେବେ ମୁଁ କିଛି କହିବି ନାହିଁ ଗୁଡ ବାୟ । ’
ଏହା ପ୍ରଥମ ମାମଲା ନୁହେଁ ଯେ କୌଣସି ସେଲିବ୍ରିଟି ନିରାଶ ହୋଇ ଟ୍ୱିଟ ଛାଡିଛନ୍ତି । ପୂର୍ବରୁ ଗାୟକ ସୋନୁ ନିଗମଙ୍କ ଏକ ବୟାନକୁ ନେଇ ହଙ୍ଗାମା ସୃଷ୍ଟି ହୋଇଥିଲା । ଏହା ପରେ ସେ ଟ୍ୱିଟର ଆକାଉଣ୍ଟ ଡିଲିଟ କରିଦେଇଥିଲେ ।
