ଜାମିନରେ ମୁକୁଳିଲେ ଅରମାନ କୋହଲି, ଆନ୍ତର୍ଜାତିୟ ବ୍ରାଣ୍ଡର୪୧ଟି ମଦ ବୋତଲ ରଖିବାର ଲାଗିଥିଲା ଆରୋପ !
କିଛି ଦିନ ପୂର୍ବରୁ ପ୍ରେମିକା ନିରୁ ରନ୍ଧାଓ୍ଵାଙ୍କୁ ମାଡ଼ ମାରି ବିବାଦରେ ଫସିଥିବା ଅଭିନେତା ଅର୍ମାନ କୋହଲୀ ଏବେ ଏକ ନୂଆ ବିବାଦରେ ଛନ୍ଦି ହୋଇ ପଡ଼ିଥିବା ଜଣାପଡ଼ିଛି । ମିଳିଥିବା ସୂଚନା ମୁତାବକ,ବେଆଇନ୍ ଭାବରେ ବିଦେଶୀ ବ୍ରାଣ୍ଡର ସ୍କଚ୍ ଏବଂ ହ୍ଵିସ୍କିର ବୋତଲ ରଖିଥିବାରୁ ତାଙ୍କୁ ଗିରଫ କରାଯାଇଛି । ତାଙ୍କ ପାଖରୁ ୪୧ଟି ବିଦେଶୀ ବ୍ରାଣ୍ଡର ସ୍କଚ୍ ଏବଂ ହ୍ଵିସ୍କିର ବୋତଲ ଜବତ କରିଛି ପୁଲିସ। ତାଙ୍କ ଉପରେ ବମ୍ବେ ପ୍ରୋହିବିସନ୍ ଆକ୍ଟ ୧୯୪୯ର ଧାରା ୬୩ ଅନୁଯାୟୀ, ବେଆଇନ୍ ଭାବରେ ମଦ ରଖିବାର ଆରୋପ ଲାଗିଛି । ଆର୍ମାନଙ୍କୁ ଏକ୍ସସାଇଜ୍ ପୁଲିସ ହେପାଜତକୁ ନେଇ ପଚରାଉଚରା କରୁଥିବା ଜଣାପଡିଥିଲା ।
ଆଇନ୍ ଅନୁଯାୟୀ, ଦେଶର କୌଣସି ନାଗରିକ ମାସକ ପାଇଁ କେବଳ ୧୨ଟି ମଦ ବୋତଲ ପାଖରେ ରଖି ପାରିବ । ଏହା ସହ ବିଦେଶରୁ କେବଳ ଦୁଇଟି ବୋତଲ ଆଣିବାର ଅନୁମତି ରହିଥାଏ । କିନ୍ତୁ ଅର୍ମାନ ୪୧ଟି ମଦ ବୋତଲ ରଖି ଆଇନ୍ର ଉଲ୍ଲଙ୍ଘନ କରିଛନ୍ତି । ଏବେ ତାଙ୍କୁ ପଚାଉଚରା କରାଯାଉଥିବା ବେଳେ ଲାଗିଥିବା ଆରୋପ ପ୍ରମାଣ ହେଲେ ତାଙ୍କୁ ୩ ବର୍ଷ ଜେଲ ଦଣ୍ଡ ଭୋଗିବାକୁ ପଡ଼ିପାରେ ବୋଲି କୁହାଯାଇଥିିଲା । ମାତ୍ର ତାଙ୍କୁ ଜାମିନ ମିଳିଛି ।
ଏଠାରେ ଆମେ କହି ରଖୁଛୁ ବିଗବସ ରେ ଅଭିନେତ୍ରୀ କାଜଲଙ୍କ ଭଉଣୀ ସହ ପ୍ରେମ ପାଇଁ ଏବଂ ପୁରୁଣା ପ୍ରେମିକା ଙ୍କୁ ମାଡ଼ ମାରିବା ଅଭିଯୋଗ ରେ ଏହି ଅଭିନେତା ଚର୍ଚ୍ଚା କୁ ଆସିଥିଲେ ।
