ନବଜୋତ ସିଂ ସିଦ୍ଧୁଙ୍କ ବୟାନକୁ ନେଇ ତାତିଲେ ଅଶୋକ ପଣ୍ଡିତ, ଶୋ’ରୁ ହଟାଇବା ପାଇଁ କଲେ ଦାବି
ଜମ୍ମୁ କାଶ୍ମୀରର ପୁଲୱାମାରେ ହୋଇଥିବା ଆତଙ୍କବାଦୀ ହାମଲା ପରେ ପୂରା ଦେଶ ଏହାକୁ ନିନ୍ଦା କରୁଛି । ପ୍ରତ୍ୟେକ ଭାରତୀୟଙ୍କ ମନରେ ଆକ୍ରୋଶ ଦେଖାଦେଇଛି । ଭାରତୀୟ ଚାହୁଁଛନ୍ତି ଯେ ଭାରତ ସରକାର ଏହି ଆତଙ୍କବାଦୀମାନଙ୍କୁ ମୁହଁତୋଡ ଜବାବ ଦିଅନ୍ତୁ । ପ୍ରତ୍ୟେକ ଏହା ଉପରେ ନିଜ ନିଜ ବିଚାର ରଖୁଥିବା ମଧ୍ୟ ଦେଖିବାକୁ ମିଳିଛି । କିନ୍ତୁ ପଂଜାବର ମନ୍ତ୍ରୀ ନବଜୋତ ସିଂ ସିଦ୍ଧୁ ଏହି ଆକ୍ରମଣକୁ ନେଇ ଏପରି ଏକ ବୟାନ ଦେଇଛନ୍ତି ଯାହାକୁ ଶୁଣିବା ପରେ ସମସ୍ତଙ୍କ ମନରେ କ୍ରୋଧ ଭାବନା ଜାଗ୍ରତ ହୋଇଛି ।
ନିକଟରେ ଫିଲ୍ମ ନିର୍ମାତା ଅଶୋକ ପଣ୍ଡିତ ନବଜୋତଙ୍କ ଏହି ବୟାନକୁ ନେଇ ନିଜ ପ୍ରତିକ୍ରିୟା ଦେଇଛନ୍ତି । ଅଶୋକ ଟ୍ୱିଟ କରି କହିଛନ୍ତି, ‘ମୁଁ ସୋନି ଟିଭି ଏବଂ ‘ଦ କପିଲ ଶର୍ମା ଶୋ’ରୁ ନବଜୋତ ସିଂ ସିଦ୍ଧୁଙ୍କୁ ବାହାର କରିବା ପାଇଁ ଅପିଲ କରୁଛି । ସେ ଜଣେ ପାକିସ୍ତାନୀ ସମର୍ଥକ ଆଉ ପାକିସ୍ତାନ ଏକ ଆତଙ୍କବାଦୀ ରାଷ୍ଟ୍ର ।’
I appeal to @SonyTV to sack @sherryontopp from @KapilSharmaK9 show. He is an apologist and a supporter of #Pakistan, which is a terrorist nation. #PulwamaMassacre
— Ashoke Pandit (@ashokepandit) February 15, 2019
କହିରଖୁଛୁ ଯେ, ସିଦ୍ଧୁଙ୍କ ଏହି ବୟାନକୁ ନେଇ ଲୋକେ ମଧ୍ୟ ତାଙ୍କୁ ଟ୍ରୋଲ କରିଛନ୍ତି । ଲୋକେ ମଧ୍ୟ କପିଲଙ୍କୁ ଏବଂ ସୋନି ଟିଭିକୁ କହିଛନ୍ତି ଯେ ସିଦ୍ଧୁଙ୍କୁ ଶୋ’ରୁ ବାହାର କରିବା ପାଇଁ । ଯଦି ଏହା ନ ହୁଏ ତେବେ କପିଲ ଶର୍ମାଙ୍କ ଶୋ’ କେହି ଦେଖିବେ ନାହିଁ ବୋଲି ମଧ୍ୟ ଚେତାବନୀ ଦେଇଛନ୍ତି ।
ଏହି ଆକ୍ରମଣକୁ ନେଇ ସିଦ୍ଧୁ କହିଥିଲେ ଯେ, ଆତଙ୍କବାଦୀର କୌଣସି ଦେଶ ବା ଧର୍ମ ନଥାଏ ନା କୌଣସି ଜାତି ଥାଏ । ଏହା ପରେ ଲୋକେ ତାଙ୍କୁ ଟ୍ରୋଲ କରିବା ଆରମ୍ଭ କରିଥିଲେ ।
