radio choklate
ଓଡ଼ିଶାର ନମ୍ବର୍ ୱାନ୍ ଏଫ୍ ଏମ୍ ‘ରେଡିଓ ଚକଲେଟ୍’ ତାର ପ୍ରିୟ ଶ୍ରୋତାମାନଙ୍କୁ ଆଗାମୀ ରଜରେ ମଉଜ ଭିତରେ ହଜେଇ ଦେବା ପାଇଁ ଭେଟି ଦେଇଛି ନୂଆ ଗୀତ ‘ବନ୍ଦେ ବନ୍ଦେ ମୋ ଓଡ଼ିଶା ମାଟି’ । ଗୀତଟିକୁ ରଚନା କରିଛନ୍ତି ଯତୀନ୍ଦ୍ର ପ୍ରଧାନ, ସଂଗୀତରେ ସଜେଇଛନ୍ତି ବିଶ୍ୱ ସ୍ୱରୂପ ମହାପାତ୍ର ଏବଂ କଣ୍ଠଦାନ କରିଛନ୍ତି ଯଶସ୍ୱିନୀ ଓ ଅସୀମା ପଣ୍ଡା ।
ସଂଗ୍ରାମ ମିଶ୍ରଙ୍କ କ୍ରିଏଟିଭ୍ ସୁପରଭିଜନରେ ପ୍ରସ୍ତୁତ ଏହି ଗୀତକୁ ରେଡିଓ ଚକଲେଟର ୟୁଟ୍ୟୁବ୍ ଚ୍ୟାନେଲରେ ରିଲିଜ କରାଯାଇଛି । ରେଡିଓ ଚକଲେଟର ପୂର୍ବ ଗୀତ ଗୁଡିକ ପରି ଏହି ଗୀତକୁ ମଧ୍ୟ ଲୋକେ ଖୁବ ପସନ୍ଦ କରିଛନ୍ତି । ଗୀତ ରଚନାରେ ଯେମିତି ମିଠା ମିଠା ଶବ୍ଦ ବ୍ୟବହାର କରାଯାଇଛି ସଂଗୀତରେ ସେମିତି ଶୃତି ମଧୁର ସ୍ୱର ଭରି ଦିଆ ଯାଇଛି ଏବଂ ଏ ଗୀତର କଣ୍ଠ ଶିଳ୍ପୀ ମାନଙ୍କର କଣ୍ଠର ଯାଦୁ ସବୁ ବୟସର ତଥା ସବୁ ବର୍ଗର ଲୋକଙ୍କୁ ନିମିଷକରେ କିମିଆ କରୁଛି । ରେଡିଓ ଚକଲେଟ୍ର ଆପରେ ମଧ୍ୟ ଏହି ଗୀତଟି ଉପଲବ୍ଧ ବୋଲି ରେଡିଓ ଚକଲେଟ୍ ତରଫରୁ କୁହାଯାଇଛି ।
