ମୁମ୍ବାଇରେ ଗତ କିଛି ଦିନ ହେବ ଖୁବ ବର୍ଷା ହେବାରେ ଲାଗିଛି । କେତେକ ଅଂଚଳ ପୂରା ଜଳମଗ୍ନ ହୋଇପଡିଛି । ଲୋକେ ଘରୁ ବାହାରିବା କଷ୍ଟକର ହୋଇପଡିଛି । ବର୍ଷା ସହିତ ଟ୍ରାଫିକକୁ ନେଇ ଲୋକେ ଖୁବ ସମସ୍ୟାରେ ଥିବା ବେଳେ ଦବଙ୍ଗ ଖାନ ସଲମାନ ଖାନ ଲଗଜରୀ ଗାଡି ଛାଡି ସାଇକେଲରେ ନିଜର ଆଗାମୀ ଫିଲ୍ମ ‘ଦବଙ୍ଗ ୩’ର ସୁଟିଂ ସେଟରେ ପହଁଚିଛନ୍ତି ।
ସଲମାନ ଖାନ ସାଇକେଲ ନେଇ ସୁଟିଂ ସେଟକୁ ଯାଉଥିବାର ଭିଡଓ ଖୋଦ ସଲମାନ ନିଜ ସୋସିଆଲ ମିଡିଆରେ ସେୟାର କରିଛନ୍ତି । ଏହାର କ୍ୟାପସନରେ ସଲମାନ ଲେଖିଥିଲେ, ‘ବର୍ଷାରେ ପୂରା ମୁମ୍ବାଇ ସହର…ଦବଙ୍ଗ ୩ ଲୋକେସନକୁ ସୁଟିଂ ପାଇଁ ଯାଉଥିବା ସମୟରେ ।’ ସାଇକେଲରେ ଯାଉଥିବା ସମୟରେ ସଲମାନ ଫ୍ୟାନ୍ସଙ୍କ ସହିତ ସେଲ୍ଫି ନେଉଥିବାର ମଧ୍ୟ ଭିଡିଓରେ ଦେଖିବାକୁ ମିଳିଛି ।
Mumbai city in d rains . . Off to the location to shoot for #dabangg3 pic.twitter.com/sVY9Sa3Zdq
— Salman Khan (@BeingSalmanKhan) September 6, 2019
କହିରଖୁଛୁ ଯେ, ଗୋଟିଏ ଦିନ ପୂର୍ବରୁ ହିଁ ସଲମାନ ଆଇଫା ଆୱାର୍ଡର ପ୍ରେସ କନଫେରେନ୍ସରେ କହିଥିଲେ, ରାଜସ୍ଥାନରେ ବର୍ଷା ପାଇଁ ତାଙ୍କୁ ସୁଟିଂ ଲୋକେସନରେ ପହଁଚିବା ପାଇଁ ୬ ଘଣ୍ଟା ଲାଗିଥିଲା । ବୋଧହୁଏ ସେଥିପାଇଁ ସଲମାନ କୌଣସି ରିସ୍କ ନେବା ପାଇଁ ଚାହୁଁନାହାଁନ୍ତି । କିପରି ଲାଗିଲା ସଲମାନଙ୍କ ଏହି ଆଇଡିଆ କମେଣ୍ଟରେ ସେୟାର କରନ୍ତୁ ।
