‘ଇଂଶାଲ୍ଲାହ’ ପରେ ସୋହେଲ ଖାନଙ୍କ ୩୦୦ କୋଟି ଫିଲ୍ମ ‘ଶେରଖାନ’ର ସୁଟିଂ ଆରମ୍ଭ କରିବେ ଭାଇଜାନ
ସୋହେଲ ଖାନ ଅନେକ ଦିନରୁ ଘୋଷଣା କରିଥିଲେ ସେ ସଲମାନ ଖାନଙ୍କ ସହିତ ନିଜର ଆଗାମୀ ଫିଲ୍ମ ‘ଶେରଖାନ’ର ସୁଟିଂ କରିବେ । କିନ୍ତୁ ଏ ହି ଫିଲ୍ମର କାମ ଏପର୍ଯ୍ୟନ୍ତ ଆରମ୍ଭ ହୋଇ ପାରି ନାହିଁ । ଏବେ ଏହି ଫିଲ୍ମକୁ ନେଇ ଏକ ନୂଆ ଖବର ସାମ୍ନାକୁ ଆସିଛି । ସୋହେଲ ଖାନଙ୍କ ଏହି ଫିଲ୍ମ ଏବେ ଥଣ୍ଡାବସ୍ତାରୁ ବାହରକୁ ଆସିଛି ଏବଂ ଖୁବ ଶୀଘ୍ର ସଲମାନ ଖାନ ଏହି ଫିଲ୍ମର ସୁଟିଂ ଆରମ୍ଭ କରିବେ ।
ତାଜା ରିପୋର୍ଟ ଅନୁସାରେ, ସଲମାନ ଖାନ ଆଲିଆ ଭଟ୍ଟଙ୍କ ସହିତ ‘ଇଂଶାଲ୍ଲାହ’ର ସୁଟିଂ ପୂରା କରିବା ପରେ ‘ଶେରଖାନ’ର ସୁଟିଂ ଆରମ୍ଭ କରିବେ । ପୂର୍ବରୁ ଫିଲ୍ମର ସ୍କ୍ରିପ୍ଟ ଏତେ ଭଲ ନଥିଲା କିନ୍ତୁ ଲାଗୁଛି ଖାନ ବ୍ରଦର୍ସଙ୍କୁ ଯେଉଁଭଳି ସ୍କ୍ରିପ୍ଟ ଦରକାର ସେହିଭଳି ସ୍କ୍ରିପ୍ଟ ଏବେ ପ୍ରସ୍ତୁତ ହୋଇସାରିଛି । ରିପୋର୍ଟ ଅନୁସାରେ ଫିଲ୍ମର ସ୍କ୍ରିପ୍ଟିଂ କାମ ଏପର୍ଯ୍ୟନ୍ତ ଚାଲିଛି । ୨୦୨୦ରେ ଫିଲ୍ମ ‘ଶେରଖାନ’ ଫ୍ଲୋରକୁ ଆସିପାରେ । ଏହି ଫିଲ୍ମର ବଜେଟ ପାଖାପାଖି ୩୦୦ କୋଟି ରହିଛି ବୋଲି ଶୁଣିବାକୁ ମିଳୁଛି ।
ସଲମାନଙ୍କ ଫିଲ୍ମ ବିଷୟରେ କହିବାକୁ ଗଲେ, ନିକଟରେ ତାଙ୍କ ଫିଲ୍ମ ‘ଭାରତ’ ରିଲିଜ ହୋଇଛି । ଫିଲ୍ମ ବକ୍ସ ଅଫିସରେ ମଧ୍ୟ ଖୁବ ଧମାଲ କରୁଛି । ଆଗାମୀ ପ୍ରୋଜେକ୍ଟ ବି ଷୟରେ କହିବାକୁ ଗଲେ ସେ ଖୁବ ଶୀଘ୍ର ‘ଦବଙ୍ଗ ୩’, ‘ଇଂଶାଲ୍ଲାହ’, ‘କିକ ୨’ ପରି ଫିଲ୍ମରେ ନଜର ଆସିବେ ।