ପ୍ରନୂତନ ଏବଂ ଜହିର ଇକବାଲଙ୍କ ଯୋଡି ଖୁବ ଶୀଘ୍ର ସଲମାନ ଖାନଙ୍କ ଫିଲ୍ମ ‘ନୋଟବୁକ’ରେ ଦେଖିବାକୁ ମିଳିବ । ଏହି ଫିଲ୍ମର ତୃତୀୟ ଗୀତ ନୋଟବୁକ ‘ବୁମରୋ’ ରିଲିଜ ହୋଇସାରିଛି । ସଲମାନ ଖାନ ନିଜେ ଏହି ଗୀତକୁ ସୋସିଆଲ ମିଡିଆରେ ସେୟାର କରିଛନ୍ତି । ‘ବୁମରୋ’ ପୂର୍ବରୁ ଫିଲ୍ମର ପ୍ରତମ ଗୀତ ‘ନହିଁ ଲଗଦା’ ଏବଂ ‘ଲୈଲା’ ରିଲିଜ କରାଯାଇଥିଲା । ଏହି ଦୁଇଟି ଗୀତ ଦର୍ଶକଙ୍କୁ ଖବ ପସନ୍ଦ ଆସିଥିଲା । ଏବେ ଫିଲ୍ମର ‘ବୁମରୋ’ ଗୀତ ରିଲିଜ କରାଯାଇଛି ଏବଂ ଏହି ଗୀତକୁ ଦର୍ଶକ ଖୁବ ପସନ୍ଦ କରିଛନ୍ତି ।
ଏହି ଗୀତ ବିଷୟରେ କହିବାକୁ ଗଲେ ଏହା ହ୍ରିତିକ ରୋଶନଙ୍କ ଫିଲ୍ମ ମିଶନ ମଙ୍ଗଳ ‘ବୁମରୋ’ର ନ୍ୟୁ ଭର୍ସନ । ଏହି ଗୀତକୁ ବିଶାଲ ମିଶ୍ର କମ୍ପୋଜ କରିଛନ୍ତି । କମାଲ ଖାନ ଏହାକୁ ଗାଇଛନ୍ତି । ଗୀତରେ ଜହିର ଇକବାଲ ଛୁଆମାନଙ୍କ ସହିତ ଡ୍ୟାନ୍ସ କରୁଛନ୍ତି । ଏହା ସହିତ ହ୍ରିତିକ ରୋଶନଙ୍କ ସିଗ୍ନେଚର ଷ୍ଟେପ କରୁଥିବାର ନଜର ଆସିଛନ୍ତି ।
କହିରଖୁଛୁ ଯେ, ଏହି ଫିଲ୍ମ ଜରିଆରେ ପ୍ରନୂତନ ଏବଂ ଜହିର ଇକବାଲ ବଲିଉଡ ଡେବ୍ୟୁ କରୁଛନ୍ତି । ଫିଲ୍ମ ୨୯ ମାର୍ଚ୍ଚରେ ରିଲିଜ ହେବ ।
