କାନ୍ସ ଫିଲ୍ମ ଫେଷ୍ଟିଭାଲରେ ପହଁଚିଲେ କଙ୍ଗନା ରଣାୱତ, ଦେଖିବାକୁ ମିଳିଲା ‘କ୍ୱିନ’ଙ୍କ ରେଟ୍ରୋ ଅବତାର
ଫ୍ରାନ୍ସରେ ଆରମ୍ଭ ହୋଇଥିବା ୭୧ ତମ କାନ୍ସ ଫିଲ୍ମ ଫେଷ୍ଟିଭାଲରେ ବଲିଉଡ କୁଇନ କଙ୍ଗନା ଏକ ଭିନ୍ନ ଅନ୍ଦାଜରେ ଏଣ୍ଟ୍ରି କରିଛନ୍ତି । ପ୍ରଥମଥର ପାଇଁ ଏହି ଫେଷ୍ଟିଭାଲରେ ନଜର ଆସିଥିବା କଙ୍ଗନାଙ୍କୁ ରୋଟ୍ରୋ ଲୁକରେ ଦେଖିବାକୁ ମିଳିଥିଲା । କଙ୍ଗନା ଫ୍ୟାଶନ ଡିଜାଇନର ସବ୍ୟସାଚୀଙ୍କ ଦ୍ୱାରା ଡିଜାଇନ କରାଯାଇଥିବା ବ୍ଲାକ୍ ସାଢୀରେ କାନ୍ସ ଫେଷ୍ଟିଭାଲରେ ଏଣ୍ଟ୍ରି କରିଛନ୍ତି । ଏହା ସହିତ କଙ୍ଗନା ପିନ୍ଧିଥିବା ନେକଲେସ ମଧ୍ୟ ସବ୍ୟସାଚୀଙ୍କ ଦ୍ୱାରା ଡିଜାଇନ କରାଯାଇଛି ।
ସବ୍ୟସାଚୀ ମୁଖର୍ଜୀ କଙ୍ଗନାଙ୍କ ଲୁକକୁ ନିଜ ଇନଷ୍ଟାଗ୍ରାମ ଆକାଉନଣ୍ଟରେ ସେୟାର କରି ସୂଚନା ଦେଇଛନ୍ତି । କଙ୍ଗନା କାନ୍ସରେ ୩ ଦିନ ଭାଗ ନେବେ । ଏବଂ ୧୦ ମଇ ଅର୍ଥାତ ଆଜି ରେଡ କାର୍ପେଟରେ ନଜର ଆସିବେ । ଏହା ସହିତ ଫିଲ୍ମରେ ମହିଳାଙ୍କ ଗୁରୁତ୍ୱ ଉପରେ ମଧ୍ୟ ସେଠାରେ ସେ ଆଲୋଚନା କରିବେ ।
ନ୍ୟୁଜ ଏଜେନ୍ସି ଆଇଏଏନଏସକୁ ଦେଇଥିବା ଏକ ବୟାନରେ କଙ୍ଗନା କହିଥିଲେ ଯେ ‘ଏହା ଖୁସିର ବିଷୟ ଯେ ଭାରତୀୟ ଫିଲ୍ମକୁ ଆନ୍ତରାଷ୍ଟ୍ରୀୟ ମଂଚରେ ପରିଚୟ ମିଳୁଛି । ’ଫିଲ୍ମ ବିଷୟରେ କହିବାକୁ ଗଲେ କଙ୍ଗନା ଖୁବ ଶୀଘ୍ର ‘ ମଣିକର୍ଣ୍ଣିକା’ରେ ନଜର ଆସିବେ ।