ଘରେ ପ୍ରସ୍ତୁତ କରନ୍ତୁ ଚିଲି କାବୁଲି ଚଣା !
ଆବଶ୍ୟକ ସାମଗ୍ରୀ:
କାବୁଲି ଚଣା, ପିଆଜ, କ୍ୟାପ୍ସିକମ୍, କର୍ଣ୍ଣଫ୍ଲୋର୍, ମଇଦା, ଅଦା ପେଷ୍ଟ୍, ରସୁଣ ଓ କଞ୍ଚା ଲଙ୍କା ପେଷ୍ଟ୍, ଶୋୟା ସସ୍, ଟମାଟୋ ସସ୍, ତେଲ ଏବଂ ଲୁଣ।
ପ୍ରସ୍ତୁତି ପ୍ରଣାଳୀ:
ପ୍ରଥମେ କାବୁଲି ଚଣାକୁ ୪-୫ଘଣ୍ଟା ପାଣିରେ ବତୁରାଇ ଦିଅନ୍ତୁ। ଏହାପରେ ଅଳ୍ପ ଲୁଣ ଦେଇ ଏହାକୁ ସିଝାଇ ଦିଅନ୍ତୁ। ଚଣା ସିଝିଗଲେ, ସେଥିରେ ଅଦା, ରସୁଣ ଓ ଲଙ୍କାର ପେଷ୍ଟ ସହ ମଇଦା ଓ କର୍ଣ୍ଣଫ୍ଲୋର ମିଶାଇ ଭଲଭାବରେ ଗୋଳାଇ ଦିଅନ୍ତୁ।
ଏବେ ଗୋଟିଏ କଡ଼େଇରେ ତେଲ ଗରମ କରି ସିଝା ଚଣା ସବୁକୁ ସୁନେଲି ରଙ୍ଗ ହେବାଯାଏ ଛାଣନ୍ତୁ। ଅନ୍ୟ ଏକ କଡ଼େଇରେ ୨ଚାମଚ ତେଲ ପକାଇ କଟା ପିଆଜ ଓ କ୍ୟାପ୍ସିକମ୍କୁ ଭାଜନ୍ତୁ।
ଏହା ଭାଜି ହେଲା ପରେ ଛଣା ହେଇଥିବା ଚଣାକୁ ପକାନ୍ତୁ ଓ ତା’ଉପରେ ୧ ଚାମଚ ଟମାଟୋ ସସ୍ ଓ ଶୋୟା ସସ୍ ପକାଇ ୧ମିନିଟ୍ ଭାଜି ଦିଅନ୍ତୁ। ଏବେ ପ୍ରସ୍ତୁତ ହୋଇଗଲା ଚିଲ୍ଲୀ କାବୁଲି ଚଣା।
ଏହାକୁ ରୁଟି, ପରଟା କିମ୍ବା ନାନ୍ ସହ ଗରମ ଗରମ ପରଷନ୍ତୁ। ଏହା ସହ ଚଟଣୀ ବା ଆଚାର ମଧ୍ୟ ବ୍ୟବହାର କରିପାରିବେ।