ଅଶୋକ ସ୍ତମ୍ଭକୁ ଅବମାନନା କରି ପୁଣି ଥରେ ଅଡୁଆରେ ପଡିଲା ଏହି ଫିଲ୍ମ !
ବଲିଉଡ ଅଭିନେତା ଜନ ଆବ୍ରାହମଙ୍କର ଫିଲ୍ମ ସତ୍ୟମେବ ଜୟତେ ଲଗାତର ଭାବରେ ବିବାଦ ଘେରରେ ରହୁଥିବା ଦେଖା ଯାଇଛି । ଫିଲ୍ମରେ ଧାର୍ମିକ ଭାବନାକୁ ଆଘାତ କରିବା ଅଭିଯୋଗରେ ହାଇଦ୍ରାବାଦରେ ଏକ କେସ ରୁଜୁ ହୋଇଥିଲା । ଏହା ପରେ ଏବେ ଫିଲ୍ମ ଟ୍ରେଲରରେ ଅଶୋକ ସ୍ତମ୍ଭର ବ୍ୟବହାର କରାଯିବା ଅଭିଯୋଗରେ ମୁମ୍ବାଇରେ ଆଉ ଏକ କେସ ରୁଜୁ କରାଯାଇଛି ।
ସୂଚନାନୁଯାୟୀ ମୁମ୍ବାଇର ଓକିଲ ରମାକାନ୍ତ ପାଟିଲ ଫିଲ୍ମ ବିରୁଦ୍ଧରେ ଏହି ଅଭିଯୋଗ ଆଣିଛନ୍ତି । ଏହି ଫିଲ୍ମରେ ଅଶୋକ ସ୍ତମ୍ଭକୁ ବ୍ୟବସାୟିକ ରୂପେ ବ୍ୟବହାର କରାଯିବାର ଅଭିଯୋଗ ହୋଇଛି। ରମାକାନ୍ତ କହିଛନ୍ତି ଯେ, ଅଶୋକ ସ୍ତମ୍ବକୁ କୌଣସି ବ୍ୟବସାୟ ଉଦ୍ଦେଶ୍ୟରେ ବ୍ୟବହାର କରାଯାଇ ପାରିବ ନାହିଁ ।
Mumbai: An advocate,Ramakant Patil has filed a complaint against upcoming Bollywood movie ‘Satyameva Jayate’ for allegedly disrespecting National Emblem in the trailer of the movie. Patil says,”I have filed the complaint because ‘Ashok Stambh’ can’t be used for business purpose.” pic.twitter.com/OIBRboQLCh
— ANI (@ANI) August 1, 2018
ଏହା ପୁର୍ବରୁ ଜୁଲାଇ ୩୦ରେ ଅଲି ଜାଫରୀ ନାମକ ଜଣେ ହାଇଦ୍ରାବାଦର ବ୍ୟକ୍ତି ମଧ୍ୟ ଫିଲ୍ମ ବିରୁଦ୍ଧରେ ଅଭିଯୋଗ କରିଥିଲେ । ପୁଲିସ ମୁତାବକ ଫିଲ୍ମରେ ଧର୍ମ ଏବଂ ଧାର୍ମିକ ଭାବନାକୁ ଆଘାତ କଲା ଭଳି ଦୃଶ୍ୟ ରହିଛି ବୋଲି ଜାଫରି ଅଭିଯୋଗ କରିଥିଲେ ।
ପୁଲିସ କହିଛି ଯେ, ଏହି ଅଭିଯୋଗ ଆଧାରରେ ଫିଲ୍ମର ନିର୍ମାତା କମ୍ପାନୀ ଏମି ଏଂଟରଟେନମେଂଟ୍ସ ଏବଂ ଅନ୍ୟମାନଙ୍କ ବିରୁଦ୍ଧରେ ଆଇପିସି ଧାରା ୨୯୫ ଏବଂ ସିନେମୋଟ୍ରୋଗ୍ରାଫି ଅଧିନିୟମ ସମ୍ବନ୍ଧିତ ଧାରା ଆଧାରରେ ମାମଲା ରୁଜୁ କରାଯାଇଛି । ତେବେ ଜନ ଆବ୍ରାହମଙ୍କର ଏହି ଫିଲ୍ମ ଅଗଷ୍ଟ ୧୫ରେ ରିଲିଜ ହେବାକୁ ଯାଉଛି ।