ଦବଙ୍ଗ ଖାନଙ୍କ ଘରେ କ୍ରାଇମବ୍ରାଂଚ ଚଢାଉ, ଗିରଫ ହେଲେ
ବଲିଉଡ ଦବଙ୍ଗ ସଲମାନ ଖାନ ସବୁବେଳେ କିଛି ନା କିଛି କାରଣକୁ ନେଇ ଚର୍ଚ୍ଚାକୁ ଆସିଯାଆନ୍ତି । ଆଜି କିନ୍ତୁ କୌଣସି ଫିଲ୍ମ ବା କଳା ମୃଗ ଘଟଣାକୁ ନେଇ ଚର୍ଚ୍ଚାରେ ନାହାଁନ୍ତି ବରଂ ଚର୍ଚ୍ଚା କିଛି ଭିନ୍ନ । ଖବର ଅନୁସାରେବଲିଉଡ ଅଭିନେତା ସଲମାନ ଖାନଙ୍କ ଘରେ ଆଜି କ୍ରାଇମ ବ୍ରାଞ୍ଚ ପକ୍ଷରୁ ଚଢ଼ାଉ କରାଯାଇ ଜଣେ ଜଣେ ମୋଷ୍ଟ ୱାଣ୍ଟେଡ ଅପରାଧୀକୁ ଗିରଫ କରାଯାଇଥିବାର ଖବର ମିଳିଛି।
ସୂଚନା ଅନୁଯାୟୀ ,୨୯ ବର୍ଷର ତଳର ଜଣେ ମୋଷ୍ଟ ୱାଣ୍ଟେଡ ଅପରାଧୀ ଗିରଫ ହୋଇଛି ଯିଏ କି ସଲମାନ ଖାନଙ୍କ ଗୋରାଇ ବଙ୍ଗଳାର ତତ୍ତ୍ବାବଧାରକ ଭାବେ କାମ କରୁଥିଲା। ଗିରଫ ହୋଇଥିବା ଏହି ଲୋକର ନାମ ଶକ୍ତି ସିଦ୍ଧେଶ୍ବର ରାଣା ବୋଲି ଜଣାଯାଇଛି। ସେ ପ୍ରାୟ ୨୯ ବର୍ଷତଳେ ଏକ ବଡ଼ ଧରଣର ଚୋରି, ମାରପିଟ ଏବଂ ଲୁଟ ଘଟଣାରେ ସଂଶ୍ଳିଷ୍ଟ ଥିବାର ଅଭିଯୋଗ ହୋଇଥିଲା।ତାକୁ ପୁଲିସ ଗତ ୨୯ ବର୍ଷ ହେଲା ଖୋଜୁଥିଲା, ମାତ୍ର ସେ ଧରାଦେଉ ନଥିଲା।ସବୁଠାରୁ ବିସ୍ମୟର କଥା ଯେ ଶକ୍ତି ସିଦ୍ଧେଶ୍ବର ରାଣା ଗତ ୧୫ ବର୍ଷ ଧରି ସଲମାନ ଖାନଙ୍କ ଗୋରାଇସ୍ଥିତ ବଙ୍ଗଳାର ତତ୍ତ୍ବାବଧାରକ ଭାବେ କାମ କରୁଥିଲା। ଗିରଫ ହେବାପରେ ସେ ନିଜର ଦୋଷ ସ୍ବୀକାର କରିଥିବା ଜଣାଯାଇଛି। ଶକ୍ତି ସିଦ୍ଧେଶ୍ବର ରାଣା ବିରୋଧରେ ଆଇପିସିର ଧାରା ୪୫୨,୩୯୭ ଏବଂ ୩୯୪ ଅନୁଯାୟୀ ମାମଲା ରୁଜ୍ଜୁ କରାଯାଇଛି।
