Only for Entertainment

ଚୀନରେ ରେର୍କଡ ସୃଷ୍ଟି କଲା ବଲିଉଡ ଫିଲ୍ମ ‘ଦଙ୍ଗଲ’

Quartz
0 37

୨୦୧୬ରେ ରିଲିଜ ହୋଇଥିବା ସୁପରଷ୍ଟାର ଆମିର ଖାନଙ୍କ ଫିଲ୍ମ ‘ଦଙ୍ଗଲ’ ନୂଆ ବର୍ଷ ଆରମ୍ଭରୁ ପୁଣିଥରେ ଚର୍ଚ୍ଚାରେ । ଭାରତ ବ୍ୟତୀତ ଚୀନରେ ବି ରେକର୍ଡ କରିଛି ଆମିରଙ୍କ ଏହି ଫିଲ୍ମ । ଆମିରଙ୍କର ଫିଲ୍ମ ‘ଦଙ୍ଗଲ’ ପୁଣି ଥରେ ଏକ ନୂଆ ରେର୍କଡ ସୃଷ୍ଟି କରିଛି । ନିକଟରେ ଚାଇନାର ଆଇଏମଡିବି ଦ୍ୱାରା କରାଯାଇଥିବା ଏକ ସର୍ଭେରେ ଫିଲ୍ମ ‘ଦଙ୍ଗଲ’ ପ୍ରଥମ ସ୍ଥାନ ହାସଲ କରିପାରିଛି ।

ଫିଲ୍ମ ବିଷୟରେ ଆଇଏମଡିବି ନିଜ ରିପୋର୍ଟରେ କହିଛି ଯେ ୨୦୧୭ରେ ଭାରତୀୟ ଫିଲ୍ମ ଭାବେ ଚାଇନାରେ ରିଲିଜ କରାଯାଇଥିବା ଏହି ଫିଲ୍ମଟି ସେଠାରେ ସବୁଠାରୁ ବଡ ବ୍ଲକବଷ୍ଟର ଫିଲ୍ମ ଭାବେ ପ୍ରମାଣିତ ହୋଇଛି । ଏବଂ ଏହି ଫିଲ୍ମ ଆୟ କରିବାରେ ମଧ୍ୟ ସମସ୍ତ ରେର୍କଡକୁ ପଛରେ ପକାଇଦେଇଛି ।

ଭାରତରେ ଫିଲ୍ମ ୨୩ ଡିସେମ୍ବର ୨୦୧୬ରେ ରିଲିଜ ହୋଇଥିଲା । ଫିଲ୍ମ ହରିୟାଣାର କୁସ୍ତିଯୋଦ୍ଧା ମହାବୀର ସିଂ ଫୋଗାଟ ଏବଂ ତାଙ୍କର ଝିଅ ଗୀତା ଏବଂ ବବିତା ଫୋଗାଟଙ୍କ ଜୀବନ ଏବଂ ତାଙ୍କର ସଂଘର୍ଷ ଉପରେ ଆଧାରିତ ହୋଇଥିଲା । ଫିଲ୍ମରେ ଆମିରଙ୍କ ବ୍ୟତିତ ଫାତିମା ସନା ଶେଖ, ଜାୟରା ୱସିମ, ସାକ୍ଷୀ ତନୱର ମଧ୍ୟ ନଜର ଆସିଥିଲେ । ଫିଲ୍ମଟି ଭାରତରେ ୩୭୪ କୋଟି ଟଙ୍କା ଆୟ କରିଥିଲା ।

ସେହିପରି ଫିଲ୍ମ ଚାଇନା ବ୍ୟତିତ ୟୁଏସ, ଅଷ୍ଟ୍ରେଲିଆ, କାନ୍ନାଡା, ତାଇବାନ, ୟୁଏଇରେ ମଧ୍ୟ ଖୁବ ହିଟ ହୋଇଥିଲା । ବିଶ୍ୱସ୍ତରରେ ଫିଲ୍ମଟି ୨୦୦୦ କୋଟି ଆୟ କରିବା ସହିତ ଭାରତୀୟ ଫିଲ୍ମ ଜଗତରେ ସବୁଠାରୁ ଅଧିକ ଆୟ କରିବାର ରେର୍କଡ ନିଜ ନାମରେ କରିପାରିଛି ।

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More