ତିନି ଦିନ ପରେ ଦୀପିକା ଶେୟାର କଲେ ରଣବୀରଙ୍କ ଜନ୍ମଦିନ କେକ୍ ଫଟୋ ।
୬ ଜୁଲାଇକୁ ରଣବୀର ସିଂ ତାଙ୍କ ଜନ୍ମଦିନ ପାଳନ କରି ସାରିଛନ୍ତି । ଏବେ ସେ ଫିଲ୍ମ ୮୩ର ସୁଟିଂ ପାଇଁ ଲଣ୍ଡନରେ ଅଛନ୍ତି । ଲଣ୍ଡନରେ ଥିବା ସମୟରେ ହିଁ ରଣବୀର ତାଙ୍କ ଜନ୍ମଦିନ ପାଳନ କରିଛନ୍ତି । ପତ୍ନୀ ଦୀପିକା ମଧ୍ୟ ସେଠାରେ ଉପସ୍ଥିତ ଅଛନ୍ତି । ଦୀପିକା ପତି ରଣବୀରଙ୍କ ଜନ୍ମଦିନର କେକ୍ ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି । ଏହି ଫଟୋ ଏବେ ଇଂଟରନେଟରେ ଖେଳିଯାଇଛି ।
କହିରଖୁଛୁ ଏହା ପୂର୍ବରୁ ରଣବୀର ସିଂ ପତ୍ନୀ ଦୀପିକାଙ୍କ ଫଟୋ ସୋସିଆଲ ମିଡିଆରେ ଶେୟାର କରିଥିଲେ । ଦୁଇଜଣଙ୍କ କେମେଷ୍ଟ୍ରି ଖୁବ ଭଲ । ପରଦାକୁ ଯେବେ ମଧ୍ୟ ଦୁଇଜଣ ଏକା ସାଙ୍ଗରେ ଆସନ୍ତି ଚାଂଚଲ୍ୟ ଖେଳାଇ ଦିଅନ୍ତି । ଦୁଇଜଣ ଏକା ସାଙ୍ଗରେ ଏକାଧିକ ଫିଲ୍ମରେ କାମ କରିଛନ୍ତି ।
View this post on Instagram
Sometimes,you can have your cake & eat it too!!!??? #BirthdayBoysBirthdayCake
ପୁଣିଥରେ ଏହି କପଲଙ୍କୁ ଫିଲ୍ମ ୮୩ରେ ଦେଖିବାର ସୁଯୋଗ ପାଇବେ ଦର୍ଶକ । ଏହା କ୍ରିକେଟର କପିଲ ଦେବଙ୍କ ଜୀବନୀ । ଫିଲ୍ମରେ ରଣବୀରଙ୍କ ପତ୍ନୀ ଚରିତ୍ରରେ ନଜର ଆସିବେ ଦୀପିକା । ତେବେ ରଣବୀରଙ୍କ ଜନ୍ମଦିନରେ ଫିଲ୍ମରେ ରଣବୀରଙ୍କ ପ୍ରଥମ ଲୁକ ସାମ୍ନାକୁ ଆସିଥିଲା ।
