‘ଛପାକ’ର ଦିଲ୍ଲୀ ସିଡ୍ୟୁଲ ପୂରା କଲେ ଦୀପିକା, ଏୟାରପୋର୍ଟରେ ଫ୍ୟାନଙ୍କ ସହ ଏଭଳି ଅନ୍ଦାଜରେ ଆସିଲେ ନଜର
ବଲିଉଡ ଅଭିନେତ୍ରୀ ଦୀପିକା ପାଦୁକୋନ ଏବେ ନିଜର ଆଗାମୀ ଫିଲ୍ମ ‘ଛପାକ’ର ସୁଟିଂରେ ବ୍ୟସ୍ତ ଅଛନ୍ତି । ଫିଲ୍ମର ସୁଟିଂ ଗତ କିଛି ଦିନରୁ ଦିଲ୍ଲୀରେ ଚାଲିଥିଲା । ଏବେ ଦୀପିକା ପାଦୁକୋନ ଫିଲ୍ମର ଦିଲ୍ଲୀ ସିଡ୍ୟୁଲ ଶେଷ କରିଛନ୍ତି ।
ଦିଲ୍ଲୀ ସିଡ୍ୟୁଲ ପୂରା କରିବା ପରେ ଦୀପିକା ପାଦୁକୋନ ଏୟାରପୋର୍ଟରେ ସ୍ପଟ ହୋଇଥିଲେ । ଦୀପିକାଙ୍କ ଏହି ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଫଟୋରେ ଦୀପିକା ବ୍ଲାକ ଟି-ସାର୍ଟ ଏବଂ ଜିନ୍ସରେ ଖୁବ ସୁନ୍ଦର ଲାଗୁଥିଲେ ।
ଏୟାରପୋର୍ଟରେ ଦୀପିକା ନିଜ ଫ୍ୟାନ୍ସଙ୍କ ସହିତ ମଧ୍ୟ ଫଟୋ କ୍ଲିକ କରିଥିଲେ । କହିରଖୁଛୁ ଯେ, ଯେବେଠାରୁ ଫିଲ୍ମର ସୁଟିଂ ଆରମ୍ଭ ହୋଇଛି ସେବେଠୁ ଫିଲ୍ମର ସୁଟିଂ ସେଟରୁ ଅନେକ ଭିଡିଓ ଏବଂ ଫଟୋ ସାମ୍ନାକୁ ଆସିବା ସହିତ ଭାଇରାଲ ହେବାରେ ଲାଗିଛି ।
ଫିଲ୍ମ ବିଷୟରେ କହିବାକୁ ଗଲେ, ‘ଛପାକ’ରେ ଦୀପିକାଙ୍କ ସହିତ ବିକ୍ରାନ୍ତ ମେସୀ ଲିଡ ରୋଲରେ ନଜର ଆସିବେ । ଫିଲ୍ମରେ ଦୀପିକା ଏସିଡ ସରଭାଇବର ଲକ୍ଷ୍ମୀ ଅଗ୍ରୱାଲଙ୍କ ଭୂମିକାରେ ନଜର ଆସିବେ । ମେଘନା ଗୁଲଜର ଏହାର ନିର୍ଦ୍ଦେଶନା ଦେଉଥିବା ବେଳେ ଫିଲ୍ମ ଆସନ୍ତା ବର୍ଷ ୧୦ ଜାନୁଆରୀରେ ରିଲିଜ ହେବ ।