ଫିଲ୍ମ ଅଫରକୁ ଦେବିକାଙ୍କ ନା !
ଆଜିକାଲି ବେଶ୍ ଚର୍ଚ୍ଚାରେ ଟେଲି ନାୟିକା ଦେବିକା ଅରୁନ୍ଧତୀ ସାମଲ । ସେ ସାର୍ଥକ ଟିଭିରେ ପ୍ରସାରିତ ମେଗା ସିରିଏଲ୍ ‘ମୋ’ ଜେଜେମା’ ରେ ଫିମେଲ ଲିଡରେ ଅଭିନୟ କରି ଲୋକପ୍ରିୟତା ହାସଲ କରିଥିଲେ । ଅବଶ୍ୟ ତା ପୂର୍ବରୁ ସେ ଶିଶୁ କଳାକାର ଭାବେ କେତୋଟି ଟେଲି ଧାରାବାହିକରେ ଅଭିନୟ କରିଥିଲେ । ଟେଲି ଓ ଯାତ୍ରା ଜଗତର ଜଣାଶୁଣା ହିମାଂଶୁ ସାମଲ (ହେମି) ଓ ଜଣାଶୁଣା ମେଘ ମତେ ‘ରେ ବି ଦର୍ଶକ ଦେଖିବାକୁ ପାଇଛନ୍ତି । ତା ଛଡା ସେ ଜ୍ୱାଇଁ ନଂ-୧’ରେ ବି ଅଭିନୟ କରିଛନ୍ତି । ଓଲିଉଡରୁ ଦେବିକାଙ୍କୁ ଅଫର ମିଳିଛି, ହେଲେ ଟେଲି ଦୁନିଆକୁ ଛାଡି ଏତେ ଶୀଘ୍ର ଫିଲ୍ମରେ ପାଦ ଦେବାକୁ ସେ ଚାହାନ୍ତି ନାହିଁ ।
ଓଲିଉଡର ଏକ ପ୍ରଯୋଜନା ସଂସ୍ଥା ବ୍ରଜରାଜ ମୁଭିଜ୍ ପକ୍ଷରୁ ଏକ ଫିଲ୍ମରେ ଫିମେଲ ଲିଡ ପାଇଁ ତାଙ୍କ ପାଖକୁ ଅଫର ଆସିଥିଲା, ହେଲେ ସେ ତାକୁ ପ୍ରତ୍ୟାଖ୍ୟାନ କରିଥିଲେ । ଶୁଣିବାକୁ ମିଳିଥିଲା ଏହି ପ୍ରଯୋଜନା ସଂସ୍ଥା ତାଙ୍କର ନୂଆ ସିନେମା ‘ଆଇ ଲଭ ୟୁ-୨’ ଲାଗି ନାୟିକା ଭୂମିକାରେ ବ୍ରେକ୍ ଦେବାକୁ ଚାହୁଁଥିଲେ, କିନ୍ତୁ ଟେଲି ନାୟିକା ଦେବିକା ସେଥିପାଇଁ ରାଜି ହୋଇନଥିଲେ
