ଦିଶା ପଟାନୀ ହଲିଉଡ ପପଷ୍ଟାର ବିୟୋନ୍ସେଙ୍କୁ ଦେଲେ ଟକ୍କର, ଭିଡିଓ ହେଲା ଭାଇରାଲ
ଦିଶା ପଟାନୀ ବଲିଉଡର ସବୁଠାରୁ ଫିଟ ହିରୋଇନ ମଧ୍ୟରୁ ଏକ । ଡ୍ୟାନ୍ସ ହଉ କିମ୍ୱା ଏକ୍ସରସାଇଜ ଦିଶା ପ୍ରତ୍ୟେକ ଅନ୍ଦାଜରେ ସେ ଫିଟ ଥିବା ପ୍ରମାଣ କରିଛନ୍ତି । ଟାଇଗର ଶ୍ରଫଙ୍କ ସହିତ ବାଗୀ-୨ରେ ନଜର ଆସିଥିବା ଦିଶା ଖୁବ ଶୀଘ୍ର ସଲମାନ ଖାନଙ୍କ ସହିତ ଫିଲ୍ମ ‘ଭାରତ’ରେ ନଜର ଆସିବେ । ଇତି ମଧ୍ୟରେ ଦିଶାଙ୍କ ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଏହି ଭିଡିଓକୁ ଦିଶା ଶନିବାର ଦିନ ସୋସିଆଲ ମିଡିଆରେ ସେୟାର କରିଛନ୍ତି । ଭିଡିଓରେ ଦିଶା ହଲିଉଡ ପପଷ୍ଟାର ବିୟୋନ୍ସେଙ୍କୁ ଡ୍ୟାନ୍ସରେ ଟକ୍କର ଦେଉଥିବା ଦେଖିବାକୁ ମିଳିଛି । ଭିଡିଓର ଗୋଟିଏ ପାଖରେ ବିୟୋନ୍ସେ ଏବଂ ଅନ୍ୟ ପାଖରେ ଦିଶା ଡ୍ୟାନ୍ସ କରୁଥିବା ଦେଖିବାକୁ ମିଳିଛି । ଦିଶାଙ୍କ ଏହି ଭିଡିଓକୁ ସେୟାର କରାଯିବାର କିଛି ଘଣ୍ଟା ମଧ୍ୟରେ ୧୧ ଲକ୍ଷରୁ ଅଧିକ ଭ୍ୟୁଜ ମିଳିସାରିଛି ।
Wanted to make this for a very long time, just for fun, a tribute to my idol @Beyonce ❤️ thanks @jamesdance_ for teaching me the block and @shariquealy for the cool edit??❤️ pic.twitter.com/PZm9cbEjBI
— Disha Patani (@DishPatani) May 26, 2018
୨୦୧୬ରେ ଫିଲ୍ମ ‘ଏମ ଏସ ଧୋନୀ’ ଜରିଆରେ ବଲିଉଡ ଡେବ୍ୟୁ କରିଥିବା ଦିଶାଙ୍କୁ ସୋସିଆଲ ମିଡିଆରେ ଜବରଦସ୍ତ ଫ୍ୟାନ ଫଲୋଇଙ୍ଗ ରହିଛି । ଇଂଷ୍ଟାଗ୍ରାମରେ ଦିଶାଙ୍କର ୧ କୋଟି ଫଲୋୟର୍ସ ଥିବା ବେଳେ ଟ୍ୱିଟରରେ ୧କୋଟି ୯୯ ଲକ୍ଷ ଫଲୋୟର୍ସ ଅଛନ୍ତି ।
