ଘରର ଲକର ଉପରେ ରଖନ୍ତୁ ନାହିଁ ଏହି ସମସ୍ତ ଜିନିଷ । ଧନ ବୃଦ୍ଧିରେ ଘଟିବ ବିଭ୍ରାଟ ।
ଆଧୁନିକ ଯୁଗରେ ବଂଚିଲେ ମଧ୍ୟ ବାସ୍ତୁ ଉପରେ ସମସ୍ତେ ବିଶ୍ୱାସ କରନ୍ତି । କାରଣ ମଣିଷ ଜୀବନ ଉପରେ ଏହାର ଏକ ଗୁରୁତ୍ୱପୂର୍ଣ୍ଣ ଭୂମିକା ରହିଥାଏ । ତେଣୁ ତାହାର ନକରାତ୍ମକ ପ୍ରଭାବ ନପଡ଼ିବା ପାଇଁ କେତେକ ସାଧାରଣ ଦିଗ ପ୍ରତି ଧ୍ୟାନ ଦେବାକୁ ପଡ଼ିଥାଏ । ଯାହାକୁ ଆପଣାଇବା ଦ୍ୱାରା ସକରାତ୍ମକ ପ୍ରଭାବ ପଡ଼ିଥାଏ ଏବଂ ଘରର ଉନ୍ନତି ମଧ୍ୟ ହୋଇଥାଏ । ତେବେ ଘରର ଲକରକୁ ନେଇ ମଧ୍ୟ ସେହିଭଳି କିଛି କଥା ରହିଛି । ଯାହାର କେତେକ ନିୟମ ମଧ୍ୟ ରହିଛି । ଯଦି ତାହାକୁ ଅନୁସରଣ କରା ନଯାଏ ତେବେ ଧନ ବୃଦ୍ଧି ହୋଇପାରି ନଥାଏ ।
- ଘରର ଲକର ଉପରେ କୌଣସି ଜିନିଷ ରଖିବା ଅନୁଚିତ ।
- ଘରର ଷ୍ଟୋର ରୁମ କିମ୍ବା ବାଥରୁମ ନିକଟରେ ପୂଜା ଘର ରଖିବା ଅନୁଚିତ ।
- ଘରର ଯେଉଁ କୋଣରେ ବାସ୍ତୁ ଦୋଷ ରହିଛି ସେଠାରେ ସକାଳେ ଏବଂ ସଂଧ୍ୟାରେ ଶଙ୍ଖ ଫୁଙ୍କନ୍ତୁ । ଏହା ସହିତ ଘଂଟି ମଧ୍ୟ ବଜାଇ ପାରିବେ । ଏଭଳି କରିବା ଦ୍ୱାରା ନକରାତ୍ମକ ପ୍ରଭାବ ଦୂର ହୋଇଥାଏ ।
- କ୍ଷୀର ବାହାରୁଥିବା ଗଛକୁ କେବେ ମଧ୍ୟ ଅଗଣାରେ ରଖନ୍ତୁ ନାହିଁ । ଏଥିରୁ ବାସ୍ତୁ ଦୋଷ ବାହାରିଥାଏ । ଏହା ଆମ ସ୍ୱାସ୍ଥ୍ୟ ଉପରେ କୁପ୍ରଭାବ ପକାଇଥାଏ ।
- ଘରେ ତୁଳସୀ ରଖିବା ଶୁଭଦାୟକ ହୋଇଥାଏ । ତେଣୁ ସକାଳ ଓ ସଂଧ୍ୟାରେ ତୁଳସୀ ନିକଟରେ ଦୀପ ଲଗାନ୍ତୁ ।
- ଘରେ ବନ୍ଦ କିମ୍ବା ଖରାପ ଘଡ଼ି ରଖନ୍ତୁ ନାହିଁ । ଏହା ଦ୍ୱାରା ଅଶୁଭ ଫଳ ମିଳିଥାଏ ।
- ଘରର ପୂଜା ସ୍ଥାନରେ ସକାଳ ଓ ସଂଧ୍ୟାରେ ଘିଅର ଦୀପ ଲଗାଇବା ଉଚିତ । ଏହା ଦ୍ୱାରା ଭାଗ୍ୟ ସମ୍ବଦ୍ଧିତ ଲାଭ ମିଳିଥାଏ । ଏହି ଦୀପର ଧୂଆଁ ବାତାବରଣର ହାନିକାରକ ତରଙ୍ଗ ଏବଂ ସୂକ୍ଷ୍ମ କୀଟାଣୁକୁ ନଷ୍ଟ କରିଥାଏ ।
- ଖଟ ତଳେ ବ୍ୟବହାର ହେଉ ନଥିବା ଜିନିଷ କିମ୍ବା ଜୋତା ଚପଲ ଆଦି ରଖିବା ଅନୁଚିତ ।
- ଲକର ମଧ୍ୟରେ ମୋକଦ୍ଦମା କିମ୍ବା ବାଦ ବିବାଦ ମଧ୍ୟରେ ଥିବା କାଗଜ ଆଦି ରଖିବା ଅନୁଚିତ ।
- ପୂଜା କକ୍ଷ ଉତ୍ତର କିମ୍ବା ପୂର୍ବ ଦିଗରେ ରହିବା ଦ୍ୱାରା ଶୁଭ ହୋଇଥାଏ ।
- ପରିବାରର ମୃତ ସଦସ୍ୟଙ୍କ ଚିତ୍ର ପୂଜା କକ୍ଷରେ ରଖିବା ଅନୁଚିତ । ପୂର୍ବ କିମ୍ବା ନୈରୁତ କିମ୍ବା ପଶ୍ଚିମ ଦିଗରେ ରଖିବା ଉଚିତ ।
- ଘରେ ଫଟା ଫଟି ଜିନିଷ ରଖିବା ଅନୁଚିତ । ଦୁଇଟି ଦର୍ପଣକୁ ଆମ୍ନା ସାମ୍ନା କରି ରଖିବା ଅନୁଚିତ ।
- ଯଦି ଲକରର ଦ୍ୱାର ଉତ୍ତର କିମ୍ବା ପୂର୍ବ ଦିଗକୁ ମୁହଁ କରି ଖୋଲୁଛି ତେବେ ଏହା ଶୁଭ ହୋଇଥାଏ ।
- ରାତିରେ ଶୟନ କକ୍ଷରେ ଅଇଁଠା ବାସନ ରଖିବା ଅନୁଚିତ । ଏହା କରିବା ଦ୍ୱାରା ଧନ ଏବଂ ସ୍ୱାସ୍ଥ୍ୟଗତ ସମସ୍ୟା ଦେଖା ଦେଇଥାଏ ।
- ଘରେ ବିମ ତଳେ ଖାଇବା ଏବଂ ଶୋଇବା ଅନୁଚିତ ।