ନଖକୁ ଆକର୍ଷଣୀୟ କରିବା ପାଇଁ ଚାହୁଛନ୍ତି କି ବିନା ଖର୍ଚ୍ଚରେ କରନ୍ତୁ ନେଲଆର୍ଟ !
ମହିଳାମାନେ ଫ୍ୟାଶନ ପ୍ରତି ବେଶ ଆଗ୍ରହୀ । ଫ୍ୟାଶନ ସହିତ ଆଗକୁ ବଢିବାକୁ ସେମାନେ ଖୁବ ପସନ୍ଦ କରିଥାନ୍ତି । ନୂଆ ନୂଆ ଫ୍ୟାସନେବୁଲ ଟ୍ରେଣ୍ଡକୁ ମଧ୍ୟ ଆପଣାଇଥାନ୍ତି । ଆଜିକାଲି ଟେଲ ଆର୍ଟର ଟ୍ରେଣ୍ଡ ଚାଲିଛି । ନଖକୁ ଆକର୍ଷଣୀୟ କରିବା ପାଇଁ କେହି ପାର୍ଲର ଯାି ନେଲ ଆର୍ଟ କରିଥାନ୍ତି ତ କେହି ଦାମୀ ଉପକରଣ କିଣୀ ନେଲ ଆର୍ଟ କରିଥାନ୍ତି । ତେବେ ଯଦି ଆପଣ ନେଲଆର୍ଟ ଡଟିଂ କରିବାକୁ ଚାହୁଁଛନ୍ତି ତେବେ ଆପଣ ଘରେ ହିଁ ଏହାକୁ କରିପାରିବେ । ଘରେ ମିଳୁଥିବା କିଛି ସାଧାରଣ ଜିନିଷ ବ୍ୟବହାର କରି ଆପଣ ନେଲଆର୍ଟ ଡଟିଂ କରିପାରିବେ । ଆସନ୍ତୁ ଜାଣିବା ଏହି ଟୁଲ୍ସ ବିଷୟରେ ।
ହେୟାର ପିନ୍: ହେୟାର ପିନ୍ ଖୁବ୍ ସହଜରେ ଆପଣଙ୍କୁ ମିଳିଯିବ। ଏହା ସହାୟତାରେ ଆପଣ କମ୍ ସମୟରେ ନେଲଆର୍ଟ ଡଟିଂ କରିପାରିବେ। ହେୟାର ପିନ୍ ସାହାଯ୍ୟରେ ନଖ ଉପରେ ଡଟ୍ କରିବା ସହଜ ହୋଇଥାଏ।
ପେଣ୍ଟ ବ୍ରଶ୍: ଏହାର ବ୍ୟବହାର ଆପଣ ନେଲଆର୍ଟ ଡଟିଂରେ ମଧ୍ୟ କରିପାରିବେ। ପେଣ୍ଟ ବ୍ରଶ୍ ସାହାଯ୍ୟରେ ଖୁବ୍ ସହଜରେ ଛୋଟ ଓ ବଡ଼ ଡଟ୍ କରିପାରିବେ। ବ୍ରଶ୍କୁ ସଫା କରି ଅଲଗା ଅଲଗା ପେଣ୍ଟ ଡିଜାଇନ୍ କରିପାରିବେ।
ବଲ୍ପେନ୍: କୌଣସି ଦାମୀ ଟୁଲ୍ କିଣିବା ବଦଳରେ ଆପଣ ବଲ୍ପେନ୍ରେ ବି ନଖରେ ଡଟ୍ସ କରିପାରିବେ। ଏହା ମଧ୍ୟ ନେଲଆର୍ଟର ଏକ ସହଜ ଉପାୟ।
ଦିଆସିଲି କାଠି: ଦିଆସିଲି କାଠିରେ ନଖ ଉପରେ ଅଲଗା ଅଲଗା ଡିଜାଇନ୍ ଡଟ୍ସ କରିପାରିବେ। ଏଥିରେ ନେଲଆର୍ଟ ବି ସମସ୍ତଙ୍କ ନଜରରେ ପଡିବ।
ସେଫ୍ଟିପିନ୍: ସମସ୍ତଙ୍କ ଘରେ ଖୁବ୍ ସହଜରେ ସେଫ୍ଟିପିନ୍ ମିଳିଯିବ। ନେଲ ପେଣ୍ଟ୍ରେ ସେଫ୍ଟିପିନ୍କୁ ବୁଡାନ୍ତୁ ଆଉ ନଖ ଉପରେ ଶେପ୍ ଦିଅନ୍ତୁ। ଏହା ବହୁତ ଶସ୍ତା ଏବଂ ସହଜ ଉପାୟ, ଯାହା ଆପଣଙ୍କ ନଖକୁ ଖୁବ୍ ସୁନ୍ଦର କରିବ।