Only for Entertainment

ଭାତ ଖାଇଲେ ବଢେନାହିଁ ଓଜନ , ଗବେଷଣାରୁ ମିଳିଲା ତଥ୍ୟ !

49

ରୁଟି ଏବଂ ଭାତର ନ୍ୟୁଟ୍ରିସନ୍ ର ମହତ୍ୱକୁ ନେଇ ସବୁବେଳେ ତୁଳନା କରାଯାଇଥାଏ । ଭାରତରେ ଭାତ ଖାଇବା ପାଇଁ ଲୋକମାନେ ଖୁବ୍ ପସନ୍ଦ କରିଥାନ୍ତି । କିନ୍ତୁ ଭାତର ନ୍ୟୁଟ୍ରିସନ୍ କୁ ନେଇ ଲୋକଙ୍କ ମଧ୍ୟରେ ଆଶଙ୍କା ରହିଥାଏ । କିଛି ଲୋକ ଏହା ବି ଭାବିଥାନ୍ତି ଯେ ଭାତ ଖାଇବା ଦ୍ୱାରା ଓଜନ ବଢିଥାଏ ।

ତେଣୁ କେହି କେହି ଖୁବ୍ କମ୍ ଭାତ ଖାଉଥିବା ବେଳେ ଆଉ କେହି ଭାତ ହିଁ ଖାଆନ୍ତି ନାହିଁ । କିନ୍ତୁ ଆପଣ କ’ଣ ଜାଣିଛନ୍ତି ଭାତ ଖାଇବା ଦ୍ୱାରା ଆପଣ ମୋଟା ନୁହଁ ପତଳା ହୋଇପାରିବେ । ଏହି କଥା ଆମେ କହୁନୁ ଏକ ଗବେଷଣାରୁ ଏଭଳି ରିପୋର୍ଟ ସାମ୍ନାକୁ ଆସିଛି ।

ଜାପାନରେ ହୋଇଥିବା ଏକ ରିସର୍ଚ୍ଚ ଅନୁଯାୟୀ ଚାଉଳରେ ଭରପୁର ଡାଇଟ୍ ପ୍ଲାନ୍ ଦ୍ୱାରା ଆପଣ ମୋଟା ବଦଳରେ ପତଳା ହୋଇପାରିବେ । ଏହି ଗବେଷଣା ୧୩୬ ଟି ଦେଶର ଲୋକଙ୍କ ମଧ୍ୟରେ କ୍ୟାଲୋରୀ ଇନଟେକକୁ ନେଇ କରାଗଲା ଯେଉଁମାନେ ଭାତ ଖାଉଥିଲେ । ଏହି ଗବେଷଣାରେ ପ୍ରତି ଦେଶର ପ୍ରତିଭାଗୀ ବିଏମଆଇର ଡାଟାକୁ ମଧ୍ୟ ଦେଖାଗଲା । ଗବେଷକଙ୍କ କହିବାନୁସାରେ ଯେଉଁ ଦେଶରେ ଲୋକ ଅଧିକ ଭାତ ଖାଇବାକୁ ଗୁରୁତ୍ୱ ଦେଉଥିଲେ ସେମାନଙ୍କ ଠାରେ ମେଦବହୁଳତା କମ୍ ଦେଖାଗଲା । ଅନ୍ୟପକ୍ଷରେ ଯେଉଁଠି ବିଦେଶରେ କମ୍ ଭାତ ଖିଆଯାଏ ସେଠାରେ କଥା ହିଁ ଓଲଟା ଥିଲା । ଚାଉଳରେ ଫ୍ୟାଟ୍ କମ୍ ଥାଏ ଏହା ପ୍ଲାଣ୍ଟ୍ କମ୍ପାଉଣ୍ଡ ହୋଇଥାଏ ଯେଉଁଥିରେ ପ୍ରଚୁର ମାତ୍ରାରେ ପୋଷକ ତତ୍ତ୍ୱ ରହିଥାଏ । ଭାତ ଖାଇବା ପରେ ଆପଣଙ୍କୁ ଲମ୍ବା ସମୟ ପର୍ଯ୍ୟନ୍ତ ଭୋକ ଲାଗିନଥାଏ । ଗବେଷଣାରୁ ଜଣାପଡିଲା ଯେ ଜାପାନୀ ଏବଂ ଏସିୟନ୍ ଫୁଡରେ ମୁଖ୍ୟ ଖାଦ୍ୟ ଭାବେ ଭାତ ଖିଆଯାଉଥିବାରୁ ଏହି ଦେଶରେ ମେଦବହୁଳତା କମ୍ ଦେଖାଯାଏ । ତେଣୁ ଆଜିଠାରୁ ଖାଦ୍ୟରେ ଭାତ ନିଶ୍ଚିତ ଖାଆନ୍ତୁ ।

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More