ସାମ୍ନାକୁ ଆସିଲା ଏକତାଙ୍କ ପୁଅର ପ୍ରଥମ ଫଟୋ, ଦେଖିବାକୁ ମିଳିଲା ବଡ ଭାଇର ଭଲପାଇବା
ଫେମସ ପ୍ରଡ୍ୟୁସର ଏକତା କପୁର ଏପର୍ଯ୍ୟନ୍ତ ବିବାହ କରିନଥିଲେ ମଧ୍ୟ ସେରୋଗେସୀ ତାଙ୍କ ମା’ ବନିବାର ସ୍ୱପ୍ନକୁ ସାକାର କରିଛି । ଏକତା ସେରୋଗେସୀ ଜରିଆରେ ଏକ ପୁତ୍ର ସନ୍ତାର ମା’ ହୋଇପାରିଛନ୍ତି । ଏକତାଙ୍କ ପ୍ରଥମ ସନ୍ତାନର ଜନ୍ମ ୨୭ ଜାନୁଆରୀରେ ହୋଇଥିଲା । ଏହାପର ଠାରୁ ଏକତାଙ୍କ ଫ୍ୟାନ୍ସ ତାଙ୍କ ପୁଇ ରବିର ଚେହେରା ଦେଖିବା ପାଇଁ ଉତ୍ସାହିତ ଅଛନ୍ତି । ନିକଟରେ ଏକତା ନିଜ ଇଂଷ୍ଟାଗ୍ରାମ ଆକାଉଣ୍ଟରେ ପୁଅ ରବିର ଏକ ଫଟୋ ସେୟାର କରିଛନ୍ତି ।
ଏହି ଫଟୋରେ ତୁଷାର କପୁରଙ୍କ ପୁଅ ଲକ୍ଷ୍ୟ ମଧ୍ୟ ନଜର ଆସିଛନ୍ତି । କିନ୍ତୁ ଏହି ଫଟୋରେ ଏକତାଙ୍କ ପୁଅର ମୁହଁ ଦେଖିବାକୁ ମିଳିନାହିଁ । ଫଟୋରେ ଲକ୍ଷ୍ୟ ଝୁଲାରେ ଶୋଇଥିବା ଏକତାଙ୍କ ପୁଅକୁ ଦେଖିୁଥିବାର ନଜର ଆସିଛନ୍ତି । ଫଟୋ ସେୟାର କରି ଏକତା କ୍ୟାପସନରେ ଲେଖିଥିଲେ, ‘ବଡ ଭାଇ ଦେଖୁଛନ୍ତି ।’
ଏହା ପୂର୍ବରୁ ଏକତାଙ୍କ ଏକ ଫଟୋ ସୋସିଆଲ ମିଡିଆରେ ଖୁବ ଭାଇରାଲ ହୋଇଥିଲା ।ଏହି ଫଟୋରେ ଏକତା ପୁଅ ରବିର ହାତ ଧରିଥିବା ନଜର ଆସିଥିଲେ । ଆପଣଙ୍କୁ କହିରଖୁଛୁ ଯେ, ଏକତା ପିତା ଜିତେନ୍ଦ୍ରଙ୍କ ନାମରେ ପୁଅର ନାମ ରବି ରଖିଛନ୍ତି କାରଣ ଜିତେନ୍ଦ୍ରଙ୍କ ଅସଲୀ ନାମ ରବି କୁମାର । ଜିତେନ୍ଦ୍ର ଇଣ୍ଡଷ୍ଟ୍ରୀକୁ ଆସିବା ପରେ ନିଜର ନାମ ବଦଳାଇଥିଲେ ।
ଆଷ୍ଟ୍ରୋଲୋଜିରେ ଏକତା ଖୁବ ବିଶ୍ୱାସ ରଖିଥାନ୍ତି । ପ୍ରସିଦ୍ଦ ଆଷ୍ଟ୍ରୋଲୋଜର ସଂଜୟ ବି ଜୁମାନୀ କହିଛନ୍ତି ଯେ, ଏକତାଙ୍କ ପୁଅର ନାମର ସ୍ପେଲିଂରେ ଇଂଗ୍ରାଜୀ E ରହିବା ତାଙ୍କୁ ଭଲ ଫଳ ପ୍ରଦାନ କରିବ । ସେଥିପାଇଁ ଏକତା ତାଙ୍କ ପୁଅ ରବିଙ୍କ ନାମର ସ୍ପେଲିଂ Ravie ରଖିଛନ୍ତି ।